आंबेगाव खुर्दमध्ये अनधिकृत बांधकामांवर हातोडा

आरक्षित जागेवरील बांधकाम हटविले
महापालिकेच्यावतीने 
अतिक्रमण कारवाई करण्यात आली.
महापालिकेच्यावतीने अतिक्रमण कारवाई करण्यात आली.Sakal

आंबेगाव - नव्याने महापालिकेत समाविष्ट झालेल्या आंबेगाव खुर्द परिसरातील सर्व्हे नं ५० मधील हिल टॉप हिल स्लोप आरक्षित जागेवरील बांधण्यात आलेली अनाधिकृत बांधकामे महापालिकेच्या बांधकाम विकास विभाग झोन २ कडून हटविण्यात आली. परिसरात होत असलेल्या अनाधिकृत बांधकामाला शहर बांधकाम विभागाकडून नोटिसा बजाविण्यात आल्या होत्या. परंतु, दिलेल्या नोटीसांकडे कानाडोळा करत विकासक अनधिकृतपणे बांधकाम करत होते.दरम्यान या अनाधिकृत बांधकामावर महापालिकेने कारवाई केली आहे.

आंबेगाव खुर्द सर्व्हे नं ५० मध्ये हिल टॉप हिल स्लोप झोन टाकण्यात आलेला आहे. या आरक्षित जागेवर बांधकाम करण्यास कोणतीही परवानगी नसताना अनधिकृत बांधकामचे लोन पसरले होते.याबाबत बांधकाम विभागाने नोटिसा बाजवण्या होत्या. तरीही बांधकामे सुरूच ठेवल्याने ही कारवाई करण्यात आली आहे. कारवाई नंतर परिसरातील विकसकांमध्ये चांगलीच तारांबळ झाली आहे.यामध्ये ८ मिळकतीचे १०५०० चौरस फूट बांधकाम जमीनदोस्त करण्यात आले.कार्यकारी अभियंता राहुल साळुंखे, उपअभियंता प्रताप धायगुडे, कनिष्ठ अभियंता हेमंत कोळेकर,अभिजित भुजबळ यांच्या पथकाने तीन जेसीबी, तीन गॅस कटरच्या साहाय्याने मनपा व भारती विद्यापीठ पोलिसांच्या बंदोबस्तात कारवाई केली.

मनपा कार्यक्षेत्रात नव्याने समाविष्ठ गावात डोंगर उतारावर हिल स्टॉप हिल स्लोप आरक्षण आहे.आरक्षित जागेवर नागरिकांनी बांधकामे करू नयेत.तसेच अनधिकृत सदनिका घेऊ नयेत. मनपा आयुक्त यांच्या आदेशाने नियमित कारवाई होणार आहे.

-प्रताप धायगुडे, उपअभियंता बांधकाम विभाग २.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com