Unauthorized Vendors Occupy Major Footpaths in Pune
Sakal
शिवाजीनगर : महापालिकेच्या समोरील पदपथावर पाल टाकून काही नागरिकांनी अतिक्रमण करून परिसर गलिच्छ केला आहे. अशीच परिस्थिती कर्वे रस्त्यावरील कासट पेट्रोल पंपामागे ओढ्याच्या पुलावर तसेच एसएनडीटी मेट्रो स्थानक परिसरात झाली आहे. हे अनाधिकृत व्यावसायिक पथपथावर राहतात. आंघोळ, जेवण, स्वयंपाक, झोप असे सर्व विधी तिथेच करतात. शिळे अन्न, कचरा, कपडे पदपथावरच पडलेले असते. स्वच्छता राखली जात नसल्याले परिसरात दुर्गंधी पसरते, डासांचा उपद्रव वाढतो, या प्रकाराने नागरिकांची प्रचंड अडचण होत आहे.