महुडे : भोर- पसुरे मार्गे शिळीम रस्त्याची दुरवस्था झाल्याने या मार्गावरुन प्रवास करणाऱ्या प्रवाशांना त्रास सहन करावा लागत आहे. त्यामुळे सार्वजनिक बांधकाम विभागाने त्वरित रस्ता दुरुस्त करावा, अन्यथा ग्रामस्थांच्या वतीने आंदोलन करण्यात येईल. .असा इशारा पंढरीनाथ राजीवडे व भागातील ग्रामस्थांच्या वतीने सोमवारी (ता. ३०) भोर सार्वजनिक बांधकाम विभागास पत्राद्वारे दिला आहे. मागील काही दिवसापासून भोर, पसुरे ते शिळीम या रस्त्याचे दुरुस्तीकरण झालेले नाही..त्यामुळे रस्त्याला जागोजागी खड्डे पडलेले आहेत. रस्त्याच्या कडेला असणारी गटारे बुजलेली आहेत. त्यामुळे गटारातील पाणी रस्त्यावरून वाहत आहे. त्या पाण्याबरोबर माती आणि खडी रस्त्यावर आली असल्याने दुचाकी घसरून पडत आहेत..Pune News : नसरापुरातील गॅस शवदाहिनी अद्याप वापराविना.रस्त्याच्या कडेला असणारी झाडे- झुडपे रस्त्यावर आली आहेत. वाहनचालकांना याचा नाहक त्रास सहन करावा लागत आहे. रस्त्यालगत असणारी गटारे व्यवस्थित करून रस्त्यावरील खड्डे बुजवावेत. तसेच रस्त्याच्या कडेला असणारी झाडे व जाळ्या काढून टाकाव्यात. जेणेकरून समोरून येणारे वाहने दिसतील व अपघात टळतील..या मागण्यांबाबत लक्ष घालून गैरसोय टाळावी व नागरिकांना न्याय मिळवून द्यावा. याबाबत कार्यवाही न झाल्यास आम्ही सर्व ग्रामस्थ मिळून आंदोलन करू असे पांगारी, पसुरे, राजघर, वेळवंड, जयतपाड, डेहेण, नानावळे, साळुंगण, सांगवी, कोंडगाव आदी गावच्या ग्रामस्थांसह वेळवंड विकास सोसायटीचे अध्यक्ष राजीवडे यांनी सार्वजनिक बांधकाम विभागाला दिलेल्या अर्जात नमूद केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
