पिंपरी : संत तुकाराम महाराजांच्या अभंगातील ओवीप्रमाणेच कोसळणाऱ्या पावसाची तमा न बाळगता पंढरीच्या विठू माउलींच्या दर्शनासाठी आतुर झालेला वैष्णवांचा मेळा गुरुवारी पिंपरी चिंचवडमध्ये दाखल झाला..सकाळपासून पडणारा पाऊस, मात्र तरीही पंढरीच्या दिशेने वेगाने पडणारी पावले, हाती भगवी पताका, अंगावर रेनकोट, मुखात माउली तुकोबांचा जयघोष, ऐन पावसातही शिस्तीत चालणाऱ्या दिंड्या अशा वातावरणामुळे अवघी उद्योगनगरी तुकोबामय झालेली होती. या पालखी सोहळ्यासोबत आलेल्या वारकऱ्यांचे उद्योगनगरीत मोठ्या उत्साहात स्वागत करण्यात आले..पालखी सोहळ्याच्या स्वागतासाठी भक्ती शक्ती चौकापासून ते आकुर्डीपर्यंत विविध ठिकाणी स्वागतकक्ष उभारण्यात आले होते. पिंपरी चिंचवड महापालिकेने पालखीचे स्वागत केले. सायंकाळी भक्ती शक्ती चौकात जनसागर लोटला होता. तुकोबांची पालखी आकुर्डीतील विठ्ठल-रुक्मिणी मंदिरात मुक्कामासाठी विसावली. शुक्रवारी (ता. २०) पहाटे साडेपाच वाजता पालखी पुण्याकडे मार्गस्थ होईल. पालखी सोहळा जरी सायंकाळी शहरात पोचणार असला तरी विविध दिंड्या दुपारी शहरात यायला सुरुवात झाली होती..पावसातही उत्साहात स्वागततीन वाजल्यापासूनच भक्ती-शक्ती समूह शिल्प परिसरात गर्दी.पावसात छत्री, रेनकोट घालून आबालवृद्ध पालखीच्या स्वागतासाठी.फुलांनी सजविलेला जगद्गुरू संत तुकोबारायांच्या पालखीचा रथ चौकात दाखल झाला आणि उपस्थितांनी ज्ञानोबा-तुकोबांचा जयघोष केलासंत तुकाराम महाराजांची पालखी पाचच्या सुमारास भक्ती-शक्ती चौकात पोचली. यावेळी पिंपरी-चिंचवड महापालिका आयुक्त शेखर सिंह, आमदार उमा खापरे यांनी पालखीचे स्वागत केले.पालखीसोबत आलेल्या दिंडीप्रमुखांचा सन्मान करण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
