लोणी काळभोर : ग्रामपंचायतीच्या रणधुमाळीत उमेदवारांनी पारंपारिक प्रचाराबरोबर हायटेक प्रचाराला सुरुवात केली आहे. आता गावपातळीवर प्रचारासाठी सोशल मीडियाचा प्रभावी वापर होऊ लागला आहे. त्यामुळे गावातील दादा-भाऊंची सध्या सोशल मीडियात जोरदार चर्चा आहे.
हवेली तालुक्यातील 54 ग्रामपंचायतीच्या पंचवार्षिक निवडणुका 15 जानेवारीला होत आहेत. ग्रामपंचायतीची निवडणूक ही गावपातळीवर असते. त्यामुळे ग्रामपंचायत निवडणूक ही त्या गावापुरतीच अवलंबून असते. मात्र, सोशल मीडियामार्फत व्हॉटसअँप, फेसबुकमुळे गावपातळीवर प्रचार न राहता संपूर्ण तालुक्यासह जिल्ह्यात पोचत आहे. त्यामुळे उमेदवारांकडून सोशल मीडियाचा पुरेपूर वापर केला जात आहे.
सोमवारी (ता. ४) निवडणुकीच्या लढतीचे चित्र स्पष्ट झाले आहे. त्यामुळे सोमवारपासूनच उमेदवारांनी हायटेक प्रचाराला सुरुवात केली आहे. सोशल मिडियाच्या व्हॅटसअँप, फेसबुक, इन्स्टाग्रामवर, फोटो, व्हिडिओ क्लिप, तसेच उमेदवारांनी मागील पाच वर्षांमध्ये केलेली विकासकामे, आणि प्रचाराच्या पोस्ट टाकण्याचे काम सुरू केले आहे.
दरम्यान, उमेदवारांनी वैयक्तिक व प्रभागातील उमेदवारांचे एकत्र डिझाइन तयार करत असून सोशल मिडियावर अपलोड करत आहेत.
पानटपऱ्यांवर चर्चांना उधाण- लोकसभा, विधानसभा, पंचायत समिती, जिल्हा परिषद, निवडणुकीपेक्षा ग्रामपंचायतीच्या निवडणुकीमध्ये एकाएका मताला महत्व असते. त्यामुळे गावपातळीवरील असणारे तंटे, लोकांमधील असलेली नाराजी दूर करण्यासाठी लोकांच्या घरी जाऊन नाराजीनाट्य दूर करावे लागते. अशा प्रचारात घोंगड्या बैठकांवर जोर दिला जातो.
- पुण्याच्या बातम्या वाचण्यासाठी येथे ► क्लिक करा
सध्या सर्वच गावातील उमेदवारांनी सोशल मीडियाचा आधार घेतल्याचे दिसते. आपलाच उमेदवार कसा चांगला आहे हे दाखवण्यासाठी मराठी व हिंदी चित्रपटातील गाण्याचा वापर व्हिडिओ, ऑडिओ, क्लिपचा वापर केला जात आहे. सध्या या क्लिपचाच सोशल मीडियामध्ये धुमाकूळ सुरू आहे.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.