पुणे : उत्तराखंडमध्ये अडकलेले अवसरी खुर्द (ता. आंबेगाव) येथील २४ पर्यटक सुखरूप आहेत. आपत्ती व्यवस्थापन विभागाशी त्यांचा संपर्क झाला असल्याचे जिल्हा प्रशासनाकडून सांगण्यात आले. .अवसरी खुर्द येथील २४ जण ऋषिकेश येथे दर्शनासाठी गेले होते. मंगळवारी (ता. ५) झालेल्या ढगफुटीमुळे देशभरातील अनेक भाविक आणि पर्यटक त्यामध्ये अडकले असण्याची भीती व्यक्त केली जात आहे. अतिवृष्टी आणि खराब हवामानामुळे या भागातील संपर्क यंत्रणा पूर्णपणे कोलमडली आहे. त्यामुळे या १७ पर्यटकांशी संपर्क होऊ शकला नव्हता. सायंकाळी उशीरा उत्तरखंड आपत्ती व्यवस्थापन विभागाशी संपर्क झाल्यानंतर हे सर्व प्रवासी सुखरूप असल्याचे सांगण्यात आले. हिना चेक पोस्ट येथून ते पुढे आले असल्याचे प्रशासनाकडून सांगण्यात आले. महाराष्ट्रातील जवळपास दीडशे प्रवासी असल्याचेही प्रशासनाकडून सांगण्यात आले..दरम्यान, जिल्हाधिकारी कार्यालयाने या पर्यटकांची माहिती राज्य सरकारला पाठविली आहे. मंत्रालयातील विभाग उत्तराखंडच्या आपत्ती व्यवस्थापन विभागाच्या संपर्कात असून, परिस्थितीवर लक्ष ठेवून आहे, असे आपत्ती व्यवस्थापन विभागाकडून सांगण्यात आले..एक फोन आला अन् जीव भांड्यात पडला...मंचर : अवसरी खुर्द येथील २४ यात्रेकरूंशी मंगळवारपासून संपर्क तुटला होता. गावात चिंतेचे वातावरण होते. नातेवाईक, मित्रमंडळींचा जीव टांगणीला लागला होता. या पार्श्वभूमीवर बुधवारी (ता. ६) रात्री साडेआठला बस मालक रशीद खान यांचा संपर्क झाला. गंगोत्री येथे यात्रेकरू सुखरूप असल्याचे त्यांनी ‘सकाळ’ला सांगितले.ते म्हणाले, ‘‘यात्रेकरुंशी संपर्क होत नसल्याने माझाही जीव भांड्यात पडला होता पण रात्री सव्वा आठला बस चालक खलिदने पायी चालत जाऊन दूरवरून फोन केला. गंगोत्री येथे सर्व जण सुखरूप आहेत. मात्र, पाऊस सुरू आहे. त्यातच वीजपुरवठा खंडित झाला आहे. त्यामुळे संपर्क होत नाही. गुरुवारी सकाळी पुन्हा संपर्क साधू शकतो. हा संदेश यात्रेकरूंच्या सर्व नातेवाइकांना द्या, असे त्यांनी आवर्जून सांगितले.’’ अशी माहिती बस मालक रशीद खान यांनी दिली..दरम्यान, अनेक नातेवाईक व अवसरी खुर्द ग्रामस्थांना यात्रेकरू सुखरूप असल्याची खात्रीशीर माहिती मिळाली. त्यामुळे काळजीत असलेल्या सर्वांनी सुटकेचा निःश्वास सोडला.उत्तराखंड आपत्ती व्यवस्थापनासमवेत माजी गृहमंत्री दिलीप वळसे पाटील व पुणे आपत्ती व्यवस्थापन यांचा संपर्क झालेला आहे. त्यांनी सांगितले, की पुण्यातील सर्व यात्रेकरू सुखरूप आहेत. फक्त मोबाईल डिसचार्ज झाल्यामुळे संपर्क होऊ शकला नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
