पुण्यात गोमांस घेऊन जाणारा टेम्पो पडकला; चालक फरार

हडपसर -  गोमांस वाहतूक करणाऱा टेम्पो पकडण्यात आला. वानवली पोलिसांनी टेम्पो ताब्यात घेतला असून चालक फरार झाला आहे. गोरक्षकांच्या सतर्कतेमुळे हा प्रकार उघडकीस आला आहे.

इंदापूर इथं गोवंशाची कत्तल करून तब्बल अडीच टन गोमांस कॅम्प इथं एका टेम्पोमधून नेण्यात येत होतं. टेम्पोची तपासणी केली असता त्यामध्ये गाय, बैल यांची मुंडकी आणि मांस व पाय आढळले. या प्रकरणी पोलिस शिपाई कैलास माळकर यांनी फिर्याद दिली. 

पुण्यातील इतर बातम्या वाचण्यासाठी क्लिक करा

याबाबत मिळालेली माहिती अशी की, मंगळवारी सकाळी आठ वाजण्याच्या सुमारास रामटेकडी रेल्वे उड्डाणपूलावर महिंद्रा पीकअप ( एमएच १४ एस ३३८६ )मधून टेंम्पोतून रक्त खाली पडत होते. तेव्हा शादाब मुलाणी यांच्या लक्षात ही बाब आली. त्यानंतर कुणाल साठे, अभिजित शिंदे, उपेंद्र बलकवडे, सचिन जवळगे, गौरव पाटील, श्रीकांत कोळी यांनी टेम्पोचा पाठलाग केला. बुध्द विहार येथे टेम्पोच्या चालक बीआरटीमध्येच टेम्पो सोडून फरार झाला. 

हे वाचा - पेट्रोलच्या शतकाला पाच रुपयांची कमी ; पुण्यात डिझेल ८४.६८ रुपये लिटर

टेम्पो चालक फरार झाल्यानंतर शादाब मुलाणी यांनी 100 क्रमांकावर पोलिसांशी संपर्क साधला. संबंधित प्रकाराची माहिती मिळताच वानवडी पोलिस घटनास्थळी आले. तेव्हा वाहतूक कोंडी झाल्याने ट्रक बाजूला काढण्यात आला. पुढील तपास वानवडी पोलिस करत आहेत.