नारायणगाव - राजगुरूनगर येथील भाजीपाला व्यापारी कैलास मधुकर गोगावले (वय-४५) यांची पाच लाख रुपयांची रोख रक्कम असलेली पिशवी अज्ञात चोरट्यांनी त्यांच्या मोटारीतून चोरून नेली. मोटारीला लॉक लावण्याचे ते विसरल्याने चोरट्याने संधी साधली..ही घटना शुक्रवारी (ता. 18) रात्री आठ ते नऊ वाजण्याच्या सुमारास नारायणगाव येथील निलायम हॉटेलच्या पार्किंगमध्ये घडली. या प्रकरणी नारायणगाव पोलीस ठाण्यात अज्ञात चोरट्यांच्या विरोधात गुन्हा दाखल करण्यात आला आहे.व्यापारी कैलास गोगावले यांचा भाजीपाला खरेदी विक्रीचा व्यवसाय आहे. शुक्रवारी (ता. 18) दुपारी दोन वाजता गोगावले हे टिंबर मार्केट येथील व्यापाऱ्याकडे उधारीचे पैसे आणण्यासाठी गेले. तेथील व्यापाऱ्यांकडून दहा लाख रुपयांची रोख रक्कम घेऊन ते खेड येथील बाजार समितीच्या आवारात आले..यावेळी त्यांच्यासोबत त्यांचा मित्र सचिन सुरेश खंडागळे (रा. राजगुरूनगर, थिगळस्थळ, ता. खेड) हे होते. राजगुरुनगर येथील बाजार समितीच्या आवारातून शेतकऱ्यांच्या भाजीपाला खरेदीची बिल घेऊन ते जुन्नर येथे आले.सावरगाव (ता. जुन्नर) येथील शेतकरी ज्ञानेश्वर लहु पाबळे यांच्याकडे पाच लाख रुपयांची रोख रक्कम दिली. उर्वरित पाच लाख रुपयांची रक्कम घेऊन खेड येथे जाण्यासाठी निघाले. दरम्यान रात्री आठ वाजण्याच्या सुमारास नारायणगाव येथील पुणे नाशिक महामार्गा लगत असलेल्या हॉटेल निलायम येथे जेवण्यासाठी थांबले..त्यांनी त्यांची मोटार हॉटेलच्या आवारात पार्किंग करताना पैसे असलेली पिशवी शीटखाली ठेवली. मात्र गाडी लॉक करण्याचे ते विसरून गेले. नऊ वाजण्याच्या सुमारास जेवण करून आल्यानंतर मोटारीतील पैसे असलेले पिशवी चोरीला गेली असल्याचे त्यांच्या लक्षात आले. या प्रकरणी त्यांनी नारायणगाव पोलीस ठाण्यात तक्रार दिली आहे..चोरीच्या घटना वाढल्या -नारायणगाव परिसरात चोरीच्या घटना वाढल्या आहेत. मागील आठवड्यात भर दिवसा अज्ञात चोरट्यांनी तीन फ्लॅटचा कडी कोयंडा तोडून 15 तोळे सोने व रोख रक्कम असा सुमारे सात लाख 74 हजार रुपयांचा ऐवज चोरून नेला आहे.नारायणगाव येथे पोलीस ठाण्यालगत टोमॅटो व भाजीपाला उपबाजार आहे. या ठिकाणी रोज मोठी आर्थिक उलाढाल होत असते. व्यापारी व शेतकऱ्यांनी पैशाची देवाण-घेवाण करताना दक्षता बाळगावी असे आवाहन नारायणगाव पोलीस ठाण्याच्या वतीने करण्यात आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
