Vidhan Sabha 2019 : पुण्यात मोदींच्या सभेसाठी 'सप'मधील झाडे सपासप कापली

tree cutting for Narendra modi rally in SP college
tree cutting for Narendra modi rally in SP college

विधानसभा 2019
पंतप्रधान नरेंद्र मोदी यांच्या सभेसाठी स. प. महाविद्यालयाच्या मैदानातील सुमारे २० ते २५ झाडे कापली आहेत. येत्या गुरुवारी मोदी यांची सभा स. प. महाविद्यालयाच्या मैदानावर होणार आहे. मैदानात समोरच्या बाजूला व्यासपीठ उभारण्याचे काम सुरू आहे. व्यासपीठ उभारण्यात अडथळा येत असल्यामुळे ही झाडे तोडण्यात आल्याचे समोर आले. काही झाडे निम्म्यापर्यंत तोडली आहेत, तर काही झाडांचा केवळ बुंधा शिल्लक आहे. तर काही झाडे पूर्णपणे कापण्यात आली आहेत. अशी वीस ते पंचवीस झाडे तोडण्यात आली आहेत. १४ सप्टेंबर रोजी मुख्यमंत्री देवेंद्र फडणवीस यांची जनादेश यात्रा पुण्यात आली होती. या यात्रेच्या निमित्ताने सिंहगड रस्त्यावरील झाडे तोडण्यात आली होती. मुख्यमंत्र्यांनीही यांची गंभीर दखल घेऊन कारवाई करू, असे आश्‍वासन दिले होते. मात्र त्याचे पुढे काय झाले हे अद्याप गुलदस्तातच आहे. 

याबाबत शिक्षण प्रसारक मंडळीचे अध्यक्ष ॲड. एस. के. जैन म्हणाले, ‘‘व्यासपीठाजवळ सोळा झाडे होती. त्यातील बहुतेक झाडे बाभळीची होती. महापालिकेची परवानगी घेऊन ती कापण्यात आली आहेत. दोन झाडे तशीच आहेत. एक झाड पावसामुळे पडले आहे. यात काहीही चुकीचे नाही.’’

झाडांचा बळी कशासाठी?
नेत्यांच्या दौऱ्यासाठी महिन्यात दुसऱ्यांदा झाडांवर कुऱ्हाड चालविली जात आहे. यावरील आपले मत अवश्‍य कळवा. 

फेसबुक आणि ट्विटरवर #ModiRally हॅशटॅग वापरून आम्हाला कळवा किंवा webeditor@esakal.com  वर ई-मेल करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com