धुळे मतदार यादी

धुळे मतदार यादी
Published on: 
धुळे ः टुडे १ साठी -- सूचना ः गरजेनुसार ईव्हीएमचे छायाचित्र घेणे -- नाव नोंदणीसाठी २६ पर्यंत मुदत - अंतिम मतदार यादी १६ नोव्हेंबरला होणार प्रसिद्ध सकाळ वृत्तसेवा धुळे, ता. १३ : लोकशाहीच्या बळकटीकरणासाठी प्रत्येक पात्र नागरिकाचा सहभाग महत्त्वाचा असून, त्यासाठी मतदार यादीत नाव असणे आवश्यक आहे. केंद्रीय निवडणूक आयोगाने मतदारयादीच्या विशेष सखोल पुनरीक्षण (एसआयआर) कार्यक्रमाच्या वेळापत्रकात बदल केला असून, दावे व हरकती दाखल करण्याची मुदत आता २६ ऑक्टोबर २०२६ पर्यंत वाढविण्यात आली आहे. जिल्ह्यातील सर्व पात्र नागरिकांनी या वाढीव मुदतीचा लाभ घेऊन मतदार यादीतील आपली नोंद तपासावी, असे आवाहन जिल्हाधिकारी तथा जिल्हा निवडणूक अधिकारी भाग्यश्री विसपुते यांनी केले आहे. - केंद्रीय निवडणूक आयोगाच्या १२ ऑक्टोबरच्या निर्देशानुसार पुनरीक्षण कार्यक्रमाचे सुधारित वेळापत्रक जाहीर करण्यात आले आहे. यापूर्वी दावे व हरकती दाखल करण्यासाठी ९ ऑक्टोबरपर्यंतच मुदत होती. मात्र, आता ही मुदत २६ ऑक्टोबरपर्यंत वाढवल्याने नागरिकांना नोंदी तपासून आवश्यक कार्यवाही करण्यासाठी अतिरिक्त वेळ मिळाला आहे. मतदार यादी अचूक आणि अद्ययावत राहण्यासाठी नागरिकांचा सक्रिय सहभाग गरजेचा आहे. ज्यांची नावे सुटली असतील, किंवा नोंदींमध्ये दुरुस्ती करायची असेल, त्यांनी विहित नमुन्यात त्वरित अर्ज करावा. अंतिम तारखेची वाट न पाहता विशेषतः नवीन तरुण मतदारांनी या प्रक्रियेत उत्साहाने सहभागी व्हावे, असेही जिल्हाधिकाऱ्यांनी स्पष्ट केले. - १४-१ ...चौकट... १३-१ सुधारित वेळापत्रक दावे व हरकती दाखल करणे: ३१ ऑगस्ट ते २६ ऑक्टोबर २०२६ सुनावणी व अर्ज निकाली काढणे: १० नोव्हेंबर २०२६ पर्यंत अंतिम मतदार यादी प्रसिद्धी: १६ नोव्हेंबर २०२६

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.