वाघोली : जमिनीच्या वादातून एकाने चुलत भावावर गोळीबार केल्याची घटना वाडे बोल्हाई रोडवर गुरुवारी रात्री दहा वाजण्याच्या सुमारास घडली. गोळी पोटात लागल्याने तो गंभीर जखमी झाला आहे. या प्रकरणी लोणीकंद पोलिस ठाण्यात तिघांवर गुन्हा दाखल करण्यात आला आहे. .सुशिल संभाजी ढोरे ( वय ४२ वर्षे, रा. ढोरेवस्ती, केसनंद ता. हवेली ) असे गोळीबारात जखमी झालेल्या तरुणाचे नाव आहे. या प्रकरणी सचिन राजाराम ढोरे, गणेश चंद्रकांत जाधव, भिवराज सुरेश हरगुडे ( सर्व रा. केसनंद ता. हवेली जि. पुणे. ) यांच्यावर गुन्हा दाखल करण्यात आला आहे. पोलिसांनी दिलेल्या माहितीनुसार, जमिनीचा वाद सोडविण्यासाठी सुशील हा त्यांचे चुलत भाऊ दत्ता ढोरे याच्याबरोबर वाडे बोल्हाई रोडवर गेला..सचिन व दत्ता यांच्यातील जमिनीचा वाद सोडवायचा होता. मात्र सुशील आल्याने सचिन याला राग आला व त्याने त्याच्या पिस्टल मधून सुशील याच्यावर गोळीबार केला. ती गोळी सुशील याला छाती व पोटाच्या मध्ये लागली. यामध्ये तो गंभीर जखमी झाला. सचिन याच्याकडून एक बुलेट व खाजगी केस हस्तगत करण्यात आली असून वापरलेली पिस्टल बेकायदा आहे..सचिन हा गुन्हेगारी पार्श्वभूमीचा असून त्याच्यावर यापूर्वीही गुन्हे दाखल आहेत. सचिन ढोरे व भिवराज हरगुडे याला अटक करण्यात आली आहे. तर गणेश हा फरार झाला आहे. पुढील तपास लोणीकंद पोलिस ठाण्याचे वरिष्ठ पोलिस निरीक्षक सर्जेराव कुंभार यांच्या मार्गदर्शनाखाली सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
