कात्रज : शहराच्या दक्षिण भागात पालिकेच्या पाणीपुरवठा विभागाने एक दिवस पाणी कपातीचा निर्णय घेतला. नागरिकांच्या विरोधानंतर चार दिवसांनी तो मागे घेण्यात आला. मात्र, कात्रज-कोंढवा रोड भागात एक दिवस कपात पूर्वीप्रमाणे सुरूच आहे. त्यामुळे संपूर्ण शहरात एकाच भागावर अन्याय का? या प्रश्नावर पाणी पुरवठा विभागाकडे ठोस उत्तर नाही. धोरणात्मक निर्णय असल्याचे एकच उत्तर दिले जाते. मात्र पाणीपुरवठा विभागाचे अपयश आणि वर्षानुवर्षे या भागाला मिळणारी दुय्यम वागणूकीबाबत नागरिकांतून संतप्त भावना व्यक्त केल्या जात आहेत.