खडकवासल्यातून मुठा नदीतील विसर्ग थांबवला; कॅनॉलद्वारे सोडले पाणी!

पुणे : खडकवासला प्रकल्पाच्या पाणलोट क्षेत्रातील पावसाचा जोर ओसरल्यामुळे पानशेत आणि खडकवासला धरणातून नदीतील पाण्याचा विसर्ग थांबविण्यात आला आहे. तर, खडकवासला धरणातून केवळ कालव्याद्वारे पाचशे क्युसेकने विसर्ग सुरू असल्याची माहिती पाटबंधारे विभागाचे कार्यकारी अभियंता विजय पाटील यांनी दिली.

- पुण्यातील 'जम्बो हॉस्पिटल'चा मुख्यमंत्र्यांच्या हस्ते होणार 'श्रीगणेशा'!​

जिल्ह्यातील सिंचनासोबतच शहराला पाणीपुरवठा करणाऱ्या खडकवासला प्रकल्पातील टेमघर, वरसगाव, पानशेत आणि खडकवासला चार धरणांमध्ये शनिवारी (ता.22) सायंकाळपर्यंत एकूण पाणीसाठा 28.02 टीएमसी (96.12 टक्के) झाला आहे. गतवर्षी 29.02 टीएमसी (99.54 टक्के) पाणीसाठा होता. 
शनिवारी सायंकाळी आठ वाजेपर्यंत टेमघर धरणाच्या पाणलोट क्षेत्रात 25 मिलिमीटर, वरसगाव 8 मिलिमीटर, पानशेत 7 मिलिमीटर पाऊस झाला. 

खडकवासला प्रकल्पातील पाणीसाठा टीएमसीमध्ये, कंसात टक्केवारी : 
टेमघर - 2.98 (80.86)
वरसगाव - 12.45 (97.07)
पानशेत - 10.65 (100)
खडकवासला - 1.94 (97.60)

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)