पुणे - पुणे शहराला खडकवासला व भामा आसखेड धरणातून पाणी पुरवठा केला जात असताना त्यातील तब्बल ४० टक्के पाण्याची गळती होत होती. पण आता समान पाणी पुरवठा योजनेतून केल्या गेलेल्या उपाययोजनांमुळे पाण्याची गळती कमी होत असून, ती आता ३२ टक्क्यांवर आली आहे..महापालिकेने आगामी २०२५-२६ या वर्षाचे पाण्याचे अंदाजपत्रक तयार केला असून, त्यात गळतीचे प्रमाण कमी दाखवले आहे. दरम्यान पुढील वर्षासाठी पाटबंधारे विभागाकडे ८१ लाख ६४ हजार ८६८ लोकसंख्येसाठी २१.०३ टीएमसी पाण्याची मागणी केली जाणार आहे.पुणे शहराला खडकवासला धरण प्रकल्प, भामा आसखेड धरण, रावेत बंधारा या ठिकाणावरून पाणी पुरवठा केला जातो. पण शहराचा बहुतांश भाग हा खडकवासला धरण प्रकल्पावर अवलंबून आहे. महापालिकेचा पाटबंधारे विभागासोबत झालेल्या करारानुसार १२.४१ टीएमसी पाणी उपलब्ध करून दिले जाते..पण शहराची वाढती लोकसंख्या, समाविष्ट झालेली ३२ गावे यामुळे पाण्याची मागणी दरवर्षी वाढत आहे. राज्य जलसंपत्ती नियमन प्राधिकरणाच्या निर्देशानुसार महापालिकेला दरवर्षी पाटबंधारे विभागाला पाण्याचे अंदाजपत्रक तयार करून ते सादर करावे लागते.यामध्ये गेल्यावर्षीच्या लोकसंख्येत सरासरी दोन टक्के वाढ गृहीत धरली जाते. तसेच महापालिकेत समाविष्ट झालेल्या ३२ गावांची दोन टक्के वाढलेली लोकसंख्या, पुणे शहरात नोकरी, शिक्षक, व्यवसायासाठी रोज ये जा करणारे नागरिक यांना गृहीत धरून पुढील वर्षभरात किमान ८४ लाख ६४ हजार लोकसंख्येला पाणी द्यावे लागणार आहे..गेल्या वर्षीच्या पाण्याच्या अंदाजपत्रकात पाण्याची गळती ही ३५ टक्के म्हणजे ७.५२ टीएमसी दाखविण्यात आली होती. पण आता २०२५-२६ च्या पाण्याच्या अंदाजपत्रकात ही गळती ३२ टक्के म्हणजे ६.७३ टीएमसी इतकी दाखविण्यात आली आहे. म्हणजे जवळपास पाऊण टीएमसी पाण्याची गळती कमी झाली आहे.गेल्या काही वर्षापासून पाण्याची मागणी वाढत असताना यंदा प्रथमच महापालिकेने गेल्यावर्षीच्या तुलनेत पाण्याची मागणी कमी केली जाणार आहे. २१.०३ टीएमसी पाण्याची मागणी करण्याचे निवेदन महापालिकेने तयार केले आहे. गेल्यावर्षी २०२४-२५ मध्ये महापालिकेने पाटबंधारे विभागाकडे २१.४८ टीएमसी पाण्याची मागणी केली होती..अशी आहे पाण्याची मागणीएकूण लोकसंख्या - ८१.६४ लाखनियमीत पाण्याचा वापर - ११.३४ टीएमसीटँकरने पाणी पुरवठा - ०.१९३ टीएमसीथेट जलवाहिनीतून पाणी पुरवठा - १.२३ टीएमसीसमाविष्ट गावांना पाणी पुरवठा - ०.९७५शहरातील तरंगती लोकसंख्या - ३.८८ लाखतरंगत्या लोकसंख्येसाठी पाणी - ०.१७५ टीएमसीव्यावसायीक अस्थापनांसाठी पाण वापर - ०.३४२ टीएमसीपाण्याची गळती (३२ टक्के) - ६.७५ टीएमसीएकूण पाण्याची मागणी - २१.०३ टीएमसीपाटबंधारेकडून १४.८२ टीएमसी पाणी मंजूर.गेल्यावर्षी महापालिकेने पाटबंधारे विभागाकडे २१.४८ टीएमसी पाण्याची मागणी केली होती. त्यानंतर पुणे शहरासाठी १४.८२ टीएमसी पाणी कोटा मंजूर करण्यात आला होता. महापालिकेने यंदा पाण्याची मागणी ०.४५ टीएमसीने कमी दाखवली आहे. त्यामुळे किती पाणी कोटा मंजूर होणार याकडे लक्ष लागले आहे. आयुक्त नवल किशोर राम यांच्या स्वाक्षरीनंतर जुलै महिना अखेरपर्यंत पाटबंधारे विभागाकडे हे अंदाजपत्रक सादर केले जाणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
