पुणेः नवीन आणि जुने पर्वती जलशुद्धीकरण केंद्र, भामा आसखेड, वारजे, एसएनडीटी यासह अन्य ठिकाणी स्थापत्य व विद्युत विषयक देखभाल दुरुस्तीची कामे केली जाणार असल्याने शहराच्या बहुतांश भागाचा पाणी पुरवठा गुरुवारी (ता. १२) बंद असणार आहे. शुक्रवारी (ता. १३) सकाळी उशिरा व कमी दाबाने पाणी पुरवठा सुरु होईल. तर वडगाव जलकेंद्राच्या अंतर्गत येणाऱा धायरी, हिंगणे, कात्रज, कोंढवा यासह दक्षिण पुण्यातील पाणी पुरवठा सुरु राहणार आहे, अशी माहिती पाणी पुरवठा विभागाचे प्रमुख नंदकिशोर जगताप यांनी दिली.