ताहेरा फाउंडेशनचा उपक्रम आदर्शवत : सयाजीराजे मोहिते पाटील

YSH26B05082
अकलूज (ता. माळशिरस) : येथे पाणपोईचे उद्‌घाटन करताना सयाजीराजे मोहिते-पाटील. यावेळी उपस्थित रेश्मा अडगळे, हाजी अबुबकर तांबोळी आदी.
---
ताहेरा फाउंडेशनतर्फे पाणपोईचे उद्‌घाटन
अकलूज : रमजान महिन्याचे पवित्र उपवास आणि हिंदवी स्वराज्याचे संस्थापक छत्रपती शिवाजी महाराज यांच्या जयंतीचे औचित्य साधून ताहेरा फाउंडेशनच्या वतीने उभारलेल्या पाणपोईचे उद्‌घाटन सदाशिवराव माने विद्यालयाचे सभापती सयाजीराजे मोहिते- पाटील यांच्या हस्ते करण्यात आले. ताहेरा फाउंडेशनने आपली सामाजिक जबाबदारी म्हणून सुरू केलेली पाणपोई अनेकांची तहान भागवणार असून, एक आदर्शवत उपक्रम असल्याचे मत सयाजीराजे मोहिते- पाटील यांनी व्यक्त केले. यावेळी धर्मगुरू अलहाज हाफीज गनी मौलाना, नगराध्यक्षा रेश्मा पडगळे, ताहेराचे अध्यक्ष हाजी अबुबकर तांबोळी व पदाधिकारी, नागरिक व व्यावसायिक उपस्थित होते. इलाही बागवान यांनी प्रास्ताविक केले. कार्यक्रमाच्या यशस्वितेसाठी हाजी अस्लम तांबोळी, जाकीर तांबोळी, दादा तांबोळी, हसन बागवान, शाहीद तांबोळी, शादाब तांबोळी यांनी परिश्रम घेतले.