बारामती - येथील भाजपचे उमेदवार सतीश फाळके यांनी मुंबई उच्च न्यायालयाच्या आदेशाला दिलेले आव्हान बुधवारी (ता. १७) सर्वोच्च न्यायालयाने फेटाळले. त्यामुळे आता बारामती नगरपरिषदेची निवडणूक निर्विघ्नपणे पार पडण्याचा मार्ग मोकळा झाला आहे. .सतीश फाळके यांनी आपला अर्ज वेळेत निवडणूक निर्णय अधिकाऱ्यांच्या कार्यालयात दाखल होऊनही स्वीकारला नसल्याचे नमूद करत बारामतीच्या जिल्हा न्यायालयात दाद मागितली होती. जिल्हा न्यायालयाने सतीश फाळके यांची भूमिका मान्य करत निवडणूक निर्णय अधिकाऱ्यांना त्यांचा अर्ज दाखल करुन घेण्याचे आदेश दिले होते. निवडणूक आयोगाच्या वतीने अँड. अभिजित कुलकर्णी यांनी काम पाहिले..या आदेशाच्या विरोधात निवडणूक आयोगाने मुंबई उच्च न्यायालयात अपील दाखल केले होते. उच्च न्यायालयाने बारामतीच्या जिल्हा न्यायालयाने घेतलेल्या निर्णयाला रद्द करत सतीश फाळके यांचा अर्ज निकाली काढला होता. सतीश फाळके यांनी उच्च न्यायालयाच्या निर्णयाला सर्वोच्च न्यायालयात जात दाद मागितली होती. या प्रकरणी बुधवारी सुनावणी झाली व सर्वोच्च न्यायालयाने मुंबई उच्च न्यायालयाचा निर्णय मान्य करत फाळके यांची याचिका फेटाळली..मुंबई उच्च न्यायालयाचा निर्णय योग्य असून, त्यात हस्तक्षेपाची गरज नाही. एकदा निवडणुकीची प्रक्रीया सुरु झाल्यानंतर त्यात हस्तक्षेप करता येत नाही किंवा निर्देशही देता येत नाहीत, असे नमूद करत सर्वोच्च न्यायालयाने हे प्रकरण निकाली काढले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
