पुणे - गेल्या दोन दिवसांपासून पुणे शहरात किमान तापमानामध्ये मोठी वाढ नोंदविण्यात येत आहे. मंगळवारी किमान तापमानात सुमारे चार अंश सेल्सिअसने वाढ झाली आहे, तर बुधवारी (ता. १८) किमान तापमानात झालेली वाढ कायम होती..पुढील तीन ते चार दिवस हवामानात फारसा बदल होणार नसल्याची शक्यता भारतीय हवामानशास्त्र विभागाने वर्तविली आहे. त्यामुळे शहरातील उकाड्यात वाढ कायम राहणार आहे.शहर व परिसरात मंगळवारी (ता. १७) किमान तापमानामध्ये सुमारे चार अंश सेल्सिअस, तर कमाल तापमानामध्ये एक अंश सेल्सिअसची वाढ नोंदविण्यात आली. तर बुधवारी हवामान स्थिर असल्याने किमान तापमान १७.१ अंश सेल्सिअस, तर कमाल तापमान ३३ अंश सेल्सिअस इतके होते..तापमानामध्ये वाढ झाली असल्याने दुपारी पुणेकरांना उकाड्याचा सामना करावा लागत आहे. पुढील तीन ते चार दिवस हवामान स्थिर राहणार असून, त्यानंतर त्यामध्ये हळूहळू वाढ होणार असल्याचे हवामानशास्त्र विभागाने सांगितले आहे.पुणे व परिसरात गुरुवारी (ता. १९) कमाल तापमान ३३ अंश सेल्सिअस, तर १६ अंश सेल्सिअस किमान तापमान नोंदविण्यात येणार आहे. शुक्रवारपासून (ता. २०) कमाल आणि किमान तापमानात किंचित वाढ होण्याची शक्यता आहे..सोमवारपासून हवेतील आर्द्रतेचे प्रमाण वाढले आहे. त्यातच रात्री ढगाळ वातावरण निर्माण झाल्याने जमिनीकडून उत्सर्जित होणारी उष्णता वातावरणातच रोखली गेली. यामुळे रात्रीच्या तापमानात वाढ होऊन ऊबदारपणा जाणवू लागला आहे. प्रामुख्याने दक्षिणेकडून येणाऱ्या आर्द्रतायुक्त वाऱ्यांमुळे ही स्थिती निर्माण झाली आहे. तापमानातील ही तफावत सरासरीपेक्षा सुमारे दोन अंशांनी अधिक आहे. तापमानातील हे बदल या दिवसांमध्ये नैसर्गिक आहेत.- डॉ. एस. डी. सानप, भारतीय हवामानशास्त्र विभाग पुणेचे वैज्ञानिक ‘डी’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
