Armed Robbery at Mehendi Ceremony: Jewelry Worth ₹5 Lakhs Stolen in Phugewadi
पुणे : विवाह समारंभातील मेंदीच्या कार्यक्रमात एका टोळक्याने शस्त्राचा धाक दाखवून पाच लाख रुपये किमतीची सोनसाखळी हिसकावून नेल्याची घटना फुगेवाडी परिसरात घडली. याप्रकरणी लक्ष्मीनगर पोलिसांनी दरोड्याचा गुन्हा दाखल करून पाचही आरोपींना अटक केली.
याप्रकरणी नंदू अर्जुन काची (वय ५३, रा. फुगेवाडी, पिंपरी-चिंचवड) यांनी लक्ष्मीनगर पोलिस ठाण्यात फिर्याद दिली आहे.संतोष दशरथ काची, यश संतोष काची (दोघे रा. ममतानगर, सांगवी, पिंपरी-चिंचवड), दत्ता रघुनाथ चव्हाण (रा. वारजे), सुशील सूर्यकांत गौड (रा. पाटील इस्टेट, जुना मुंबई-पुणे रस्ता) आणि यश दीपक सावंत (रा. जुनी सांगवी, पिंपरी-चिंचवड) अशी अटक करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, सुनीता काची यांच्या घरी २७ एप्रिल रोजी रात्री मेंदीचा कार्यक्रम सुरू होता. आरोपींनी फिर्यादी नंदू काची यांना शस्त्राचा धाक दाखवत त्यांची पाच लाख रुपयांची सोनसाखळी हिसकावून घेतली. आरोपींनी त्यांना मारहाण करून तेथून पोबारा केला. पुढील तपास सहाय्यक पोलिस निरीक्षक मिथुन सावंत करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
