शिवणे - कोंढवे धावडे येथील खडकमाळ येथे पतीने पत्नीला लाथा, बुक्क्या व काठीने मारहाण केली. यामध्ये गंभीर जखमी झालेल्या पत्नीचा मृत्यू झाला आहे. उत्तमनगर पोलिसांनी पत्नीचा खून केल्या प्रकरणी तिच्या पतीला अटक केली आहे. .दीक्षा भिसे (वय २६) असे मृत महिलेचे नाव आहे तर तिचा पती दीपक भिसे (वय २५) यास पत्नीचा खुन केल्याबद्दल अटक करण्यात आली आहे. याबाबत, दीक्षा भिसे यांची बहीण साक्षी सोनवणे (रा.उत्तमनगर) यांनी याबाबत तक्रार दिली आहे. अशी माहिती उत्तमनगर पोलिस ठाण्याचे वरिष्ठ निरीक्षक मोहन खांदारे यांनी दिली..पती-पत्नीमध्ये चारित्राच्या संशयावरून गुरुवारी रात्री वाद झाला होता. यावेळी दीपक यांनी त्यांची पत्नी दीक्षा यांना ठोशा, लाथा बुक्क्या व काठीने मारहाण केली. जखमा आणि मुक्का मार मोठ्या प्रमाणावर लागला होता.पतीने शुक्रवारी सकाळी पत्नीला उत्तमनगर येथील खाजगी रुग्णालयात दाखल केले. पतीच्या मारहाणीत गंभीर जखमी झालेल्या माझ्या बहिणीचा मृत्यू झाला आहे. अशी माहिती पोलिसांना तक्रारदार साक्षी सोनवणे यांनी दिली. त्यानंतर, पोलिसांची पुढील कार्यवाही सुरू झाली..दरम्यान, हे दोघेही कोंढवे धावडे येथील येथील फ्युजन सिटीकडे जाणाऱ्या रस्त्यावरील एका इमारतीत घर भाड्याने घेऊन राहत होते. दीपक भिसे हे वाहन चालक म्हणून काम करत होते तर त्यांची पत्नी दीक्षा भिसे या रुग्ण सांभाळण्याचे काम करीत होते.त्यांच्या लग्नाला आठ वर्षे झाली होते. त्यांना तीन मुले आहेत. त्या मुलांचे वय सात पाच आणि दोन वर्ष अशी आहे. घटनास्थळी पोलीस उपायुक्त संभाजी कदम, सहाय्यक पोलीस आयुक्त भाऊसाहेब पठारे यांनी घटनास्थळी भेट देऊन तपास कामात सूचना केल्या..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
