पुणे - शेअर बाजारात गुंतवणुकीवर चांगला नफा मिळवून देण्याच्या आमिषाने सायबर चोरट्यांनी एका महिलेची ३२ लाख रुपयांची फसवणूक केली. हा प्रकार नारायण पेठ परिसरात नुकताच घडला..याबाबत एका महिलेने (वय ४९, रा. नारायण पेठ) २९ जानेवारी रोजी विश्रामबाग पोलिस ठाण्यात फिर्याद दिली आहे. त्यानुसार पोलिसांनी सायबर चोरट्यांविरुद्ध माहिती-तंत्रज्ञान कायदा आणि फसवणूक केल्याप्रकरणी गुन्हा दाखल केला आहे..पोलिसांनी दिलेल्या माहितीनुसार, तक्रारदार महिला फेसबुकवर सर्फिंग करीत असताना अज्ञात व्यक्तीने त्यांच्याशी मोबाईलवर संपर्क साधला. ‘आपण शेअर बाजारात गुंतवणूक करण्यास इच्छुक आहात का?’ अशी विचारणा केली. त्यावर महिलेने गुंतवणूक करण्यास इच्छुक असल्याचे सांगितले. त्यानंतर सायबर चोरट्यांनी महिलेस व्हॉटसॲपवर लिंक पाठवून ग्रुपमध्ये सहभागी करून घेतले..सायबर चोरट्यांनी त्यांना शेअर बाजारातील योजनांची माहिती दिली. त्यावर महिलेने चोरट्यांनी दिलेल्या विविध बँक खात्यात पैसे जमा केले. चोरट्यांनी महिलेला सुरुवातीला काही परतावा देवून विश्वास संपादन केला. त्यानंतर चांगला परतावा देण्याच्या बहाण्याने महिलेस बॅंक खात्यात वेळोवेळी ३२ लाख रुपये जमा करण्यास भाग पाडले..परंतु महिलेला कोणताही परतावा मिळाला नाही. फसवणूक झाल्याचे लक्षात आल्यानंतर महिलेने विश्रामबाग पोलिस ठाण्यात तक्रार दिली. पुढील तपास वरिष्ठ पोलिस निरीक्षक विजयमाला पवार करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
