पुणे : गणेशोत्सवासाठीचे साहित्य खरेदी करून घरी निघालेल्या दुचाकीस्वार महिलेचे नियंत्रण सुटून झालेल्या अपघातात जखमी झालेल्या महिलेचा उपचार सुरू असताना मृत्यु झाला. हि घटना मंगळवारी सायंकाळी पावणे सात वाजण्याच्या सुमारास नगर रस्त्यावरील चंदननगर परिसरात घडली. या अपघातात सहप्रवासी महिलेस किरकोळ दुखापत झाली.
अनिता मंगेश विधाते (वय 31, रा. काळूबाईनगर, वाघोली, नगर रस्ता) असे मृत्यु झालेल्या महिलेचे नाव आहे. अनिता व त्यांची आई संगीता पांडुरंग जाधव (वय 52) या दोघीही मंगळवारी गणेशोत्सवासाठी लागणाऱ्या वस्तुंची खरेदी करण्यासाठी गेल्या होत्या. खरेदी केल्यानंतर दोघेही दुचाकीवरुन वाघोलीकडे निघाल्या होत्या. विधाते या दुचाकी चालवित असतानाच त्यांचे दुचाकीवरील नियंत्रण सुटल्याने दुचाकी घसरली.
या घटनेत त्यांच्या डोक्याला गंभीर दुखापत झाली. त्यांना उपचारांसाठी रुग्णालयात दाखल करण्यात आले. उपचार सुरू असतानाच गुरूवारी रात्री ससून रुग्णालयात त्यांचा मृत्यु झाला. तर त्यांच्या आई संगीता जाधव यांना किरकोळ दुखापत झाली आहे. या प्रकरणाचा तपास सहाय्यक पोलिस निरीक्षक शिवशांत खोसे तपास करत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.