ट्रिपल तलाक कायद्यातील त्रुटींचा त्रास; 'हलाला' करूनही पतीची पत्नीला पुन्हा नोटीस

पुणे : केंद्र सरकारने मुस्लीम महिलांवरील अन्याय दूर करण्यासाठी तिहेरी तलाकवर बंदी आणली. पण त्यामध्ये हलाला करून पुन्हा विवाह करण्यावर व त्यानंतर पुन्हा तलाक करण्यावर कायद्यात प्रतिबंध आणलेला नाही. त्यामुले उच्चशिक्षीत महिलेला प्रचंड त्रास करावा लागत आहे. याविरोधात या महिलेने न्यायालायाचा दरवाजा ठोठावण्याचा इशारा पत्रकार परिषदेत दिला. मुस्लीम सत्यशोधक मंडळाचे अध्यक्ष डॉ. शमसुद्दिन तांबोळी यावेळी उपस्थित होते.

ताज्या बातम्यासाठी डाऊनलोड करा ई-सकाळचे अॅप

पिडीत महिलेचे पती इंजिनियर असून, त्याने महिलेला तोंडी तलाक दिला होता. त्यानंतर त्यांच्या पतीची समजूत काढण्यात काढून पुन्हा संसार करण्यासाठी दोघांनाही तयार केले. त्यानुसार पिडीत महिलेने हलालाची प्रक्रिया पूर्ण केल्यानंतर पूर्वीच्या पतीशी पुन्हा विवाह केला आहे. पिडीत महिलेला आत्तापर्यंत तीन वेळा विवाह करावा लगाला आहे. तरीही या महिलेचा त्रास अद्यापही कमी झालेला नसून, उलट या उच्चशिक्षित पतीने पुन्हा एकदा तलाक देण्यासाठी पिडीत महिलेला पहिली नोटीस दिली आहे.

हलालाची प्रक्रिया
मुस्लीम धर्मातील नियमाप्रमाणे महिलेला इतर पुरुषाशी लग्न करून त्याच्यासोबत तलाक घ्यावा लागतो. त्यानंतरच पहिल्या पतीशी पुन्हा संसार करण्यास परवानगी मिळते.

पिडीत महिला म्हणाली, "मी याविरोधात आवाज उठवू नये यासाठी माझ्यावर दबाव आणला जात आहे. शिवाय मला मदत करणाऱ्यांनाही गुन्हा दाखल करण्याची धमकी दिली जात आहे. याविरोधात न्यायालयात याचिका दाखल करून आवाज उठवणार असल्याचे सांगितले.

पुणे : पूर्व हवेलीत कोरोनाचे थैमान; उपचारासाठी धावण्याची वेळ​

डॉ. तांबोळी म्हणाले, "केंद्र सरकारने तिहेरी तलाकचा कायदा केला, पण त्यामध्ये केवळ तोंडी तलाक दिल्यास गुन्हा दाखल केला जात आहे. मात्र, हलाला, त्यानंतर विवाह, परत तलाक, बहुपत्नीत्व याबद्दल काहीच तरतूद नाही. त्यामुळे मुस्लीम महिलांचे शोषण सुरू आहे. हा आघोरी प्रकार असून. कोणत्याही प्रकारचा तलाक असला तरी तो न्यायालयीन मार्गानेच झाला पाहिजे. प्रकरण न्यायप्रविष्ठ असताना दुसऱ्या लग्नाची परवानगी नसावी.''

पुण्याच्या बातम्या वाचण्यासाठी येथे क्लिक करा

"लॉकडाऊनच्या कौटूंबिक हिंसाचाराच्या घटना वाढल्या आहेत. आमचे कार्यालय बंद होते. तरीही या काळात तिहेरी तलाक संदर्भात 11 ते 12 तक्रारी आमच्याकडे आलेल्या आहेत. पण यापेक्षा जास्त प्रकार समाजात घडले असण्याची शक्‍यता आहे.''
- डॉ. शमसुद्दीन तांबोळी, अध्यक्ष, मुस्लीम सत्यशोधक मंडळ.