पुणे : एकोणीस वर्षीय नवविवाहित महिलेचा गळा दाबून खून, पती फरार | Sakal
sakal

बोलून बातमी शोधा

Crime

पुणे : एकोणीस वर्षीय नवविवाहित महिलेचा गळा दाबून खून, पती फरार

धायरी - वडगाव खुर्द येथील धायरी फाटा परिसरात जानेवारी महिन्यात प्रेम विवाह (Love Marriage) केलेल्या नवविवाहित महिलेचा (Women) मृतदेह आढळून आला आहे. त्यामुळे परिसरात प्रचंड मोठ्या प्रमाणावर खळबळ उडाली आहे. परिसरात भीतीचे वातावरण तयार झाले आहे. घटनास्थळी पोलीस (Police) दाखल झाले असून, प्रियकर पती अजय पसार झाला आहे.

दिशा अजय निकाळजे (वय १९, वेंकटेश्वरा सोसायटी, धायरी फाटा ,वडगाव खुर्द) असे मृत्यू झालेल्या तरुण विवाहितीचे नाव आहे. याप्रकरणी सिंहगड रोड पोलीस ठाण्यात गुन्हा दाखल करण्याचे उशिरा पर्यंत काम सुरू आहे.

पोलिसांनी दिलेल्या माहितीनुसार, दिशा आणि अजय दोघेही जनता वसाहत परिसरात राहत होते. जानेवारी महिन्यात त्यांचा विवाह झाला आहे. त्यांचं एकमेकांवर प्रेम होत. त्यांनी प्रेम विवाह केलेला होता. दरम्यान, ते नुकतेच धायरी परिसरात भाड्याच्या खोलीत राहत होते. अजय मिळेल ते काम करत होता. दरम्यान आज सायंकाळी दिशा हीचा मृतदेह आढळून आला. ही माहिती मिळताच सिंहगड रोड पोलिसांनी घटनास्थळी धाव घेतली. अजय हा पसार झाला आहे. दिशा हिच्या गळ्यावर व्रण आहेत. त्यामुळे तिचा खून झालेला असण्याची दाट शक्यता आहे. मृतदेह शवविच्छेदनासाठी ससून रुग्णालयात दाखल करण्यात आले आहे. अधिक तपास सिंहगड रस्ता पोलीस करत आहेत.

दिशा आणि अजय (वय-२३) दोघेही जनता वसाहत परिसरात राहत होते. सहा महिन्यांपूर्वी त्यांचा विवाह झाला आहे. त्यांचं एकमेकांवर प्रेम होत. त्यांनी प्रेम विवाह केलेला होता. दरम्यान ते नुकतेच धायरी फाटा वडगाव खुर्द परिसरात भाड्याच्या खोलीत राहत होते. अजय मिळेल ते काम करत होता. दरम्यान शुक्रवारी सायंकाळी दिशा हीचा मृतदेह आढळून आला.

Web Title: Women Murder Crime Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :punecrimemurderwomen