मजुरांना असाही मिळाला माणुसकीचा आधार

जुनी सांगवी (पुणे) : हिंजवडी येथे लॉकडाऊन काळात बांधकाम साईट परिसरात अनेक बांधकाम मजूर पत्राशेड झोपडीवजा चाळीत तग धरून आहेत. गावगाड्यापासून काही अंतरावर अशा बांधकाम साईटवर ही मंडळी शहराच्या विविध भागात काम करतात.

पुण्याच्या आव्हानामुळे ठाकरे सरकार अस्वस्थ होते तेव्हा...! 

एरव्ही ही मंडळी रविवारच्या आठवडी बाजारातून आठवड्यापुरते अन्नधान्य जीवनावश्यक गरजा पूर्ण करून आठवडाभर साईटवर असतात. आता संपूर्ण शहर सील करण्यात आल्याने जवळची जमापुंजी व जीवनावश्यक वस्तूंचा साठाही संपल्याने पुढे काय अशा विवंचनेत अडकलेल्या हिंजवडी येथील सत्तर बांधकाम मजूर बांधवांना जुनी सांगवीतील राजू सावळे व मित्र परिवाराकडून अन्नधान्य, टिकाऊ भाजीपाला पोचवण्यात आला.

हिंजवडीतील एका बांधकाम मजुराचा सामाजिक कार्यकर्ते राजु सावळे यांना "साहेब, राशन संपलय.जवळ एक दमडीही नाही.माझेच नाही तर इथल्या आमच्या सत्तर जणांच असंच आहे. असा फोन आला. राजू सावळे यांनी मोजक्या मित्र मंडळीला निरोप देवून काही तरी करतो म्हणून या मजूरांना सांगितले. शहराचे रस्ते सिल करण्यात आल्याने सांगवी पोलिसांकडे या मजुरांची हकीकत सांगून या मित्र परिवाराने दोन तासाच्या पोलिस परवानगीने या बांधकाम मजुरांना माणुसकीचा हात दिला.