पुणे - पुणे शहरातील मोठे प्रकल्प करण्यासाठी जागतिक बँकेकडून अर्थसाहाय्य घेतले जाणार आहे. यासाठी जागतिक बँकेच्या प्रतिनिधींसमोर महापालिका सादरीकरण करणार आहे..पुणे शहराचा विस्तार मोठ्या प्रमाणात झालेला आहे. समाविष्ट गावांमध्ये रस्ते, पाणी पुरवठा, सांडपाणी व्यवस्था, पावसाळी गटार, जलशुद्धीकरण केंद्र यासह अन्य पायाभूत सुविधा पुरविण्याचे आव्हान आहे. यासाठी हजारो कोटी रुपयांची गरज महापालिकेला भासणार आहे..पण एकाच वेळी तेवढा मोठा निधी उपलब्ध होणार नसल्याने गावांमधील विकास संथ गतीने सुरु हे. तसेच मुळामुठा नदीत येणाऱ्या मैलापाण्यावर प्रक्रिया करून या पाण्याचा पुनर्वापर करणे गरजेचे आहे. भविष्यातील पाण्याचे संकट, धरणांमधील पाणी वापराचा असलेला मर्यादित साठा याचा विचार करून महापालिकेला यासाठी पावले उचलावी लागणार आहेत..या प्रकल्पांसाठीही शेकडो कोटी रुपयांचा निधी लागणार आहे. सध्या शहरात रोज १७५० एमएलडी पाणी धरणातून घेतले जात आहे, त्यातून ८० टक्के सांडपाणी तयार होते. त्यापैकी केवळ ४० टक्के सांडपाण्यावरच प्रक्रिया होत आहे. त्यामुळे महापालिकेला हा प्रकल्प करणे आवश्यक आहे..राज्यातील मोठ्या शहरांमधील प्रकल्प मार्गी लावण्यासाठी जागतिक बँकेकडून आर्थिक मदत घ्यावी यासाठी मुख्यमंत्री देवेंद्र फडणवीस यांच्याकडूनही प्रयत्न केले आहेत. त्याच माध्यमातून पुणे महापालिका लवकरच सादरीकरण करणार आहे. त्यातील निवडक प्रकल्पांना मदत होऊ शकते अशी माहिती अधिकाऱ्यांकडून देण्यात आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
