SSC Exam : दृष्टिहिन विदयार्थ्यांना लेखनिकांचा आधार

हडपसर : दहावीच्या परीक्षेला बसलेल्या दृष्टिहिन विदयार्थ्यांना गेनबा सोपानराव मोझे शाळा गेल्या12 वर्षांपासून लेखनिक पुरवते. यंदाच्या परीक्षेत देखील कोरेगाव पार्क येथील संत गाडगे महाराज विदयालयातील 15 दृष्टिहिन विदयार्थ्यांसाठी लेखनिक म्हणून मोझे शाळेतील विदयार्थी जबाबदारी सांभाळत आहेत. या उपक्रमामुळे दृष्टिहिन विदयार्थ्यांची सोय होते. तसेच दृष्टिहन व सामान्य मुले यांच्यात मैत्री घट्ट होते. त्याचबरोबर मोझे शाळेतील विदयार्थ्यांमध्ये सामाजिक बांधिलकीची जाणीव व आपण समाजाचे काही तरी देणे लागतो ही भावना निर्माण होण्यास मदत होते.

ताज्या बातम्यांसाठी डाऊनलोड करा ई-सकाळचे ऍप

दृष्टिहिन विदयार्थी संकेत शर्मा म्हणाला, ''दहावीच्या परीक्षेच्यावेळी विदयार्थ्यांना लेखनिक शोधण्यासाठी खूप धावपळ करावी लागते. एकीकडे अभ्यास करायचा की, दुसरीकडे लेखनिक शोधायचा याची घालमेल सुरू असते . परीक्षेचा कालावधी असल्यामुळे विदयार्थी व पालक लेखनिक म्हणून जबाबदारी घेण्यास नकार देतात. मात्र मोझे शाळा गेली 11 वर्षे आमच्या शाळेतील विदयार्थ्यांना लेखनिक पुरवतात. त्यामुळे आम्हाला लेखनिकाची शोधाशोध करावी लागत नाही.''

अनैसर्गिक अत्याचार करणाऱ्या पोलिस कॉन्स्टेबलविरुद्ध गुन्हा

मोझे शाळेचे प्राचार्य संजय सोमवंशी महणाले, ''आमची शाळा विदयार्थ्यांना पुस्तकी शिक्षणाबरोबरच सामाजिक बांधिलकीच्या भावनेतून विविध उपक्रम राबवते. त्याचा एक भाग म्हणून गेल्या 11 वर्षापासून दृष्टिहन विदयार्थ्यांना लेखनिक पुरविण्याचा वसा संस्थेने घेतला आहे. यासाठी मोझे शाळेचे अध्यक्ष व माजी आमदार रामभाउ मोझे, उपाध्यक्ष ज्ञानेश्र्वर मोझे, अलकाताई पाटील यांचे मोलाचे मार्गदर्शन व सहाकार्य आम्हाला मिळते. आमच्या शाळेतील विदयार्थी व पालक यांच्या सहकार्यातूनच हा उपक्रम सुरू आहे.''

लोकेशनद्वारे सायबर पोलिसांनी केली दिल्लीतून अटक

लेखनिक  म्हणाला, ''आमच्या शाळेन दहावीच्या दृष्टिहिन विदयार्थ्यांसाठी लेखनिक म्हणून काम करण्याची संधी दिल्याने आम्हाला खूप आनंद झाला. दृष्टिहिन विदयार्थ्यांना जन्मतःच अनेक समस्या असतात. मात्र त्यावर मात करीत मोठया आनंदाने जीवन जगतात. मात्र आम्ही छोटया छोटया गष्टींसाठी नाराज होतो. ही गोष्ट आम्हाला या माध्यमातून शिकायला मिळाली.''