विश्रांतवाडी - येरवडा क्षेत्रीय कार्यालयातील लिफ्ट गेल्या आठ दिवसांपासून पूर्णपणे बंद असून नागरिक आणि कर्मचाऱ्यांची दररोज तारांबळ उडत आहे. गुरुवारी दुपारी वडगावशेरीचे आमदार कार्यालयात बैठक घेण्यासाठी येणार असल्याची माहिती मिळताच प्रशासनाने घाईघाईत लिफ्ट दुरुस्तीसाठी तंत्रज्ञ बोलावले. मात्र, लिफ्टची दुरुस्ती सुरू असतानाच दोन कर्मचारी लिफ्टमध्ये अडकले. तब्बल १० ते १५ मिनिटानी त्यांची सुटका करण्यात आली. सुदैवाने जीवितहानी टळली.