पुणेः रिक्षाचालक तरुणीकडे बघून हसला मग...

पिंपरी  : रिक्षाने प्रवास करीत असताना चालक मागे बघून हसत असल्याने तरूणीने रिक्षा थांबविण्यास सांगितले. मात्र, चालकाने रिक्षा न थांबविल्याने तरूणीने रिक्षातून उडी घेतली.ही घटना पिंपरीतील अजमेरा कॉलनी येथे घडली. 

अन् तुटता तुटता वाचले 105 जोडप्यांचे संसार फक्त यामुळे...

याप्रकरणी 22 वर्षीय तरूणीने फिर्याद दिली आहे. त्यानुसार (एमएच 14, सीयु 3318) या क्रमांकाच्या रिक्षाचा चालक समीर शेख याच्यावर गुन्हा दाखल झाला आहे. बुधवारी (ता.31) सकाळी पावणे सातच्या सुमारास फिर्यादी तरूणी अजमेरा कॉलनी परिसरातील मार्गावरून आरोपीच्या रिक्षातून प्रवास करीत होती. त्यावेळी आरोपी मागे वळून तरूणीकडे बघून हसल्याने तरूणीने रिक्षा थांबविण्यास सांगितले. मात्र, चालकाने रिक्षा न थांबविल्याने तरूणीने रिक्षातून बाहेर उडी घेतली. यामध्ये तिच्या हाताला, पायाला गंभीर इजा झाली.
शेतकऱ्यांनो, आधार नोंदणी करुन घ्या कारण...

दरम्यान, आरोपीने तरूणीची बॅग, तीन हजारांची रोकड, फोटो व कागदपत्रे चोरून नेली. पिंपरी पोलिस अधिक तपास करीत आहेत. 

पुण्यात जिल्ह्याधिकाऱ्यांनी मारली सायकलवरुन फेरी कारण....