पिंपरी : ‘मम्मी, मला मरायचे आहे. मी विष प्यायलो आहे. मी मोबाईल फोडून टाकतो. माझा मृतदेह घेऊन जा,’ असा ऑडिओ आणि व्हिडिओ आईला पाठवून एका तरुणाने विष प्राशन करून आत्महत्या केली. देहूरोडजवळील घोरावडेश्वर डोंगराच्या पायथ्याशी तरुणाचा मृतदेह आढळला..संजयकुमार विनोदकुमार राजपूत (वय १८, रा. काळेवाडी) असे आत्महत्या केलेल्या तरुणाचे नाव आहे. संजयकुमार यांचे आई-वडील आणि दोन बहिणी काळेवाडी येथे राहतात. संजयकुमार हा देहूरोड येथील विकासनगर येथे बांधकाम मजूर म्हणून काम करत होता. तो नेहमीप्रमाणे कामावर गेला. मात्र, घरी परत आला नाही..त्यामुळे १७ जूनला देहूरोड पोलिस ठाण्यात संजयकुमार बेपत्ता असल्याची तक्रार दिली होती. दरम्यान, शनिवारी त्याचा मृतदेह घोरावडेश्वर डोंगराच्या पायथ्याशी आढळला. मृतदेहाजवळ विषारी औषधाची बाटली सापडली. त्याने हे औषध ऑनलाइन मागवले होते. आत्महत्या करण्यापूर्वी केलेल्या ऑडिओ- व्हिडिओमध्ये विषारी औषध प्यायल्याचे त्याने आईला सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
