पुणे - प्रेमप्रकरणातून त्रास दिल्याने तरुणाने झाडाला गळफास घेऊन जीवन संपविल्याची घटना कोरेगाव पार्क भागात घडली. तरुणाला आत्महत्येस प्रवृत्त केल्याच्या आरोपावरून पाच जणांवर गुन्हा दाखल करण्यात आला आहे..विशाल भैरम काळे (वय २१, रा. हुडको काॅलनी, शिरुर, जि. पुणे) असे आत्महत्या केलेल्याचे नाव आहे. याबाबत विशाल काळे याच्या बहिणीने कोरेगाव पार्क पोलीस ठाण्यात फिर्याद दिली आहे. या प्रकरणी चैत्राली ऊर्फ चैतू चंदू भोसले, राेहित चंदू भोसले, ऋषीकेश चंदू भोसले, कोला काळूराम काळे आणि परशान काळूराम काळे (सर्व सध्या रा. कोरेगाव पार्क सिग्नलजवळ, मूळ रा. हुडको काॅलनी, शिरुर, जि. पुणे) यांच्यावर गुन्हा दाखल करण्यात आला आहे..पोलिसांनी दिलेल्या माहितीनुसार, आत्महत्या केलेल्या २३ वर्षीय तरुण आणि आरोपी हे नातेवाईक आहे. कोरेगाव पार्क परिसरातील सिग्नलजवळ थांबून ते फुले, तसेच किरकोळ वस्तूंची विक्री करतात. तरुणाचे एका तरुणीशी प्रेमसंबंध होते..या कारणावरून आरोपींनी त्याला त्रास दिला होता. आरोपींनी त्याच्याकडे पैशांची मागणी केली होती. आरोपींनी त्याला मारहाण केली होती. या त्रासामुळे तरुणाने कोरेगाव पार्क परिसरात सोमवारी (ता. १) रात्री झाडाला गळफास घेऊन आत्महत्या केली. पोलिस उपनिरीक्षक अश्विनी वणवे या गुन्ह्याचा तपास करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
