पुणे - अल्पवयीन मुलीला फूस लावून पळवून नेणाऱ्या तरुणाला चंदननगर पोलिसांनी केवळ २४ तासांत अटक केली. पोलिसांनी पीडित मुलीची सुखरूप सुटका केली..मुलीच्या पालकांनी त्यांच्या १५ वर्षीय अल्पवयीन मुलीला कोणीतरी फूस लावून पळवून नेले, अशी तक्रार चंदननगर पोलिस ठाण्यात दिली होती. या तक्रारीवरून गुन्हा दाखल करण्यात आला. तपासाची जबाबदारी पोलिस उपनिरीक्षक किरण नरवडे यांच्याकडे सोपवण्यात आली..पोलिसांनी तत्काळ सीसीटीव्ही चित्रीकरण, तांत्रिक माहिती आणि खबऱ्यांच्या मदतीने तपास सुरू केला. आरोपी संजय लक्ष्मण धोत्रे (वय २१, रा. कुबेर वस्ती, केसनंद, ता. हवेली) याला अटक केली. त्याच्याकडून मुलीचा ठावठिकाणा मिळवून तिला सुखरूप सोडवण्यात आले. मुलीला वैद्यकीय तपासणीसाठी ससून रुग्णालयात पाठविण्यात आले आहे..ही कारवाई परिमंडळ चारचे पोलिस उपायुक्त सोमय मुंडे, सहाय्यक आयुक्त प्रांजली सोनवणे यांच्या मार्गदर्शनाखाली वरिष्ठ पोलिस निरीक्षक सीमा ढाकणे, पोलिस उपनिरीक्षक किरण नरवडे यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
