पुणे - पूर्ववैमनस्यातून टोळक्याने तरुणाला लाकडी दांडक्याने बेदम मारहाण केल्याची घटना वाघोली परिसरात घडली. तरुणाचा खुनाचा प्रयत्न केल्याप्रकरणी वाघोली पोलिसांनी चारजणांना अटक केली आहे..आकाश बाळू वायकर (वय २३, रा. लोहगाव) असे गंभीर जखमी झालेल्या तरुणाचे नाव आहे. याबाबत चिरंतन सतीश वाघमारे (वय २५, रा. खांदवेनगर, लोहगाव) याने वाघोली पोलिस ठाण्यात फिर्याद दिली आहे..त्यावरून पोलिसांनी राजकुमार तात्याराम गायकवाड (वय १८), मंगेश भीमराव आंबोरे (वय २३), अभिषेक गोविंद गायकवाड (वय २३), नागेश सिध्दराम बिलनार (वय २०, रा. थिटे वस्ती, खराडी) यांना अटक केली आहे. त्यांच्यासह इतर साथीदारांविरुद्ध गुन्हा दाखल करण्यात आला आहे.पोलिसांनी दिलेल्या माहितीनुसार, काही दिवसांपूर्वी आकाश आणि चिरंतन यांचे आरोपींशी भांडण झाले होते. त्याचा राग मनात धरून आरोपींनी पाच फेब्रुवारी रोजी रात्री साडेआठच्या सुमारास दोघांना खांदवेनगर भागात अडवून शिवीगाळ केली..त्यावेळी दोघेजण पळून जात असताना आरोपींनी आकाशला पकडून लाकडी दांडक्याने डोक्यात, पाठीवर, हाता-पायावर बेदम मारहाण केली. त्यात तो गंभीर जखमी झाला आहे. पुढील तपास वरिष्ठ पोलिस निरीक्षक पंडित रेजितवाड करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
