पुणे : कोरोनाबाधित रुग्णांच्या मदतीला असाही येतोय 'हा' तरुण...

पुणे : कोरोनाबाधित रुग्ण म्हटलं की त्याच्याजवळ जायलाही लोक घाबरतात. वैद्यकीय कर्मचाऱ्यांशिवाय कोणीही त्या रुग्णाला दवाखान्यात नेत नाही. परंतु, कोरोनाग्रस्त रुग्णाच्या मदतीला धावून येतोय जनता वसाहतीमधला उमदा तरूण निलेश पवार.

ताज्या बातम्यांसाठी डाऊनलोड करा ई-सकाळचे ऍप  

जनता वसाहत ही 50 ते 60 हजार लोकसंख्या असलेली मोठी झोपडपट्टी याठिकाणी घरे एकदम एकमेकांना चिकटून आहेत. वर टेकाडावर घरे आहेत. सध्या जनता वसाहतीमध्ये कोरोनाचे रूग्ण सापडत आहेत. याठिकाणी महापालिकेला या रूग्णांना दवाखान्यात नेण्यासाठी अडचण येत आहे. घरे अडचणीची असल्यामुळे स्टेचरही नेता येत नाही. अशावेळी माणुसकी जपणारा निलेश पवार हा तरूण वृद्ध पेशंट आणि नागरिकांना आपल्या पाठीवर गाडीजवळ सोडतो आहे. 

पुण्याच्या बातम्या वाचण्यासाठी येथे ► क्लिक करा

ज्या दिवशी केंद्र सरकारने लॉकडाऊन जाहीर केला. त्या दिवसापासून निलेश पवार आणि त्याचे वाघजाई मित्र मंडळ अहोरात्र काम करते आहे. कसलाही स्वार्थ न ठेवता निलेश आणि त्यांचे मित्र समाजासाठी भोजन व्यवस्था असो किंवा जनजागृती असो अखंडपणे चालवत आहे. गेली तीन महिन्यांपासून हा तरूण या मदतीला धावून येतोय.

प्रत्येक भागात जाऊन कोरोनासंदर्भात जे काही काम करायचे आहे. तिथे तरूण मुलांना घेऊन तो काम करतो आहे. पुणे महानगरपालिका असो किंवा पोलिस कर्मचारी हेदेखील आपली अडचण निलेशला सांगतात. दत्तवाडी पोलिस ठाण्याचे श्रीकांत शिरोळे यांनी सांगितले, की एक वयोवृद्ध महिला घरात तापाने फणफणलेली आहे व ती कोरोना विषाणूने पॉझिटिव्ह आहे, असे मनपा आरोग्य विभागाला समजले. परंतु, डोंगरावर बारीक गल्लीतून स्ट्रेचरवर घेऊन जाणे आणि पुन्हा सुरक्षित घेऊन येणे हे अत्यंत जोखमीचे काम हे कसे पूर्ण करायचे हा प्रश्न प्रशासनासमोर उभा ठाकला होता, ही गोष्ट नागरिकांकडून निलेशला समजली.

पुण्याच्या बातम्या वाचण्यासाठी येथे ► क्लिक करा

या कोविड योद्ध्याने मागचा पुढचा कोणताही विचार न करता स्वतः मिळेल ते पीपीई किट घातले आणि उंच डोंगरावर जाऊन त्या 'कोरोना पॉझिटिव्ह' आजीला स्वत:च्या पाठीवर बसवून खाली घेऊन आला. ही महिला पॉझिटिव्ह आहे हे माहीत असताना तिच्यामुळे आपपल्याला लागण होऊ शकते, याची माहिती असताना सुद्धा अडचणीत असलेल्या लोकांना मदत करण्याच्या मूळ स्वभावामुळे निलेश हा धोका सुद्धा पत्करण्यास तयार झाला.

(Edited By : Krupdan Awale)