पुणे : जिल्हा परिषदेच्या गट आणि गणांच्या प्रारूप रचनेवर आलेल्या सूचना व हरकतींवरील विभागीय आयुक्तांकडून सुनावणी पूर्ण झाली आहे. प्रारूप रचनेवर आलेल्या २१७ सूचना व हरकतीपैंकी ११५ मान्य करण्यात आल्या असून ८८ फेटाळण्यात आल्याची माहिती जिल्हा प्रशासनाकडून देण्यात आली. विभागीय आयुक्तांच्या निर्णयानुसार आता प्रभाग रचनेत बदल करून जिल्हा प्रशासनाला अंतिम रचना करावी लागणार आहे.