सकाळ वृत्तसेवा
उरुळी कांचन : उन्हाळी सुट्ट्यानंतर आठवड्याभरापूर्वीच सर्वत्र शाळा सुरु झाल्या आहेत. शाळा सुरु होण्यापूर्वीच बऱ्यापैकी डागडुगीची कामे झालेली आहेत. मात्र, थेऊर (ता. हवेली) येथील जिल्हा परिषद शाळा ही जैसे थे तशीच आहे. पावसामुळे शाळेच्या छतावरून आणि भिंतींमधून पाणी गळती होत असून, त्यामुळे मोठ्या प्रमाणात भेगा पडलेल्या आहेत. परिणामी, विद्यार्थ्यांना शिक्षण घेण्यासाठी मोठी कसरत करावी लागत आहे.