करदात्यांसाठी खुशखबर

अनिरुद्ध राठी - चार्टर्ड अकाउंटंट- सीएकेंद्रीय प्रत्यक्ष कर मंडळाने (सीबीडीटी) या वर्षी प्राप्तिकर विवरणपत्र (ITR) दाखल करण्यासाठीची अंतिम मुदत ३१ जुलैवरून १५ सप्टेंबर २०२५ पर्यंत वाढवली आहे. करदात्यांसाठी ही मोठी दिलासादायक बातमी आहे. यामुळे त्यांना आपले विवरणपत्र भरण्यासाठी अधिक वेळ मिळणार आहे. .मुदतवाढीची कारणेतांत्रिक अडचणी : प्राप्तिकर विभागाच्या नव्या पोर्टलवर अनेकदा तांत्रिक अडचणी येत असल्याने करदात्यांना आणि कर सल्लागारांना विवरणपत्र भरण्यात अडथळे येतात. या तांत्रिक अडचणींवर मात करण्यासाठी आणि करदात्यांना त्रास होऊ नये, हे या मुदतवाढीमागचे एक कारण असू शकते. युटिलिटी उपलब्धता : आकारणी वर्ष २०२५-२६ साठी (आर्थिक वर्ष २०२४-२५) प्राप्तिकर विभागाने नव्या अर्जाचे नमुने जाहीर केले होते, त्यात मोठे बदल केले होते. या बदलांमुळे अर्ज अधिक पारदर्शक, सुलभ व अचूक माहिती भरण्यायोग्य झाले असल्याचे प्राप्तिकर विभागाकडून सांगण्यात येत असले, तरी प्रत्यक्ष आर्थिक वर्ष पूर्ण होऊनसुद्धा कर विभागाकडून फायलिंग युटिलिटी उपलब्ध झालेली नसल्याने करदाते, करसल्लागार करविवरणपत्रे दाखल करू शकत नव्हते. दरवर्षी आर्थिक वर्ष संपल्यानंतर लगेचच अगदी एप्रिल महिन्यामध्येच प्राप्तिकर विवरणपत्र दाखल करण्यासाठी युटिलिटी उपलब्ध केल्या जात. परंतु, या वर्षी मे महिना संपला, तरीही युटिलिटी उपलब्ध करण्यात आलेली नव्हती..नवे नियम : प्रत्येक अर्थसंकल्पात आणि त्यानंतरच्या काळात प्राप्तिकर नियमांमध्ये काही नवे बदल किंवा सुधारणा केल्या जातात. या बदलांची माहिती करदात्यांपर्यंत पोहोचण्यासाठी आणि त्यांना त्यानुसार आपले विवरणपत्र तयार करण्यासाठी वेळ लागतो. वाढीव मुदतीमुळे करदात्यांना या बदलांशी जुळवून घेण्यासाठी अधिक संधी मिळेल. करदात्यांवरील ताण कमी करणे : अनेकदा अंतिम मुदत जवळ येताच करदात्यांवर विवरणपत्र भरण्याचा ताण वाढतो. विशेषतः ज्यांचे हिशेब क्लिष्ट आहेत किंवा ज्यांना व्यावसायिक मदत घ्यावी लागते, त्यांना ३१ जुलैची मुदत कमी पडू शकते. हा ताण कमी करण्याचा हा प्रयत्न आहे. सण-उत्सव आणि इतर बाबी : जुलै-ऑगस्ट महिन्यांत विविध सण-उत्सव येतात, ज्यामुळे करदात्यांना आणि व्यावसायिक सल्लागारांना कामकाजासाठी कमी वेळ मिळतो. काहीवेळा पूर, अतिवृष्टी किंवा इतर नैसर्गिक आपत्तींमुळेही जनजीवन विस्कळीत होते, ज्याचा परिणाम करदात्यांच्या कामकाजावर होऊ शकतो. अशा परिस्थितीत मुदतवाढ उपयुक्त ठरते..अधिकाधिक करदात्यांना संधी : अनेक करदाते विवरणपत्र वेळेत न भरल्याने विलंब शुल्क किंवा अन्य अडचणीत सापडतात. मुदतवाढीमुळे अधिक करदात्यांना विवरणपत्र वेळेत भरता येईल व करसंकलनही वाढेल.माहिती तपासणीत वेळ : आर्थिक वर्षातील जानेवारी ते मार्च या तिमाहीतील ‘टीडीएस’चे स्टेटमेंट दाखल करण्याची अंतिम तारीख ही ३१ मे असते. ‘टीडीएस’ची रक्कम ही करदात्याच्या पॅनवर किंवा त्यांच्या फॉर्म २६ एएसवर जून महिन्यात दिसून येते. करदात्याकडे त्याची सर्व माहिती उपलब्ध असूनही केवळ प्राप्तिकर प्रणालीमार्फत ही माहिती पडताळण्यासाठी विलंब लागू शकतो. त्यात विवरणपत्र दाखल करण्यासाठी ३१ जुलैपर्यंत म्हणजे काही दिवसांचाच अवधी मिळत असल्याने करदात्यांना विलंब होऊ शकतो.थोडक्यात, करविवरणपत्र भरण्यासाठी मुदतवाढीचा निर्णय करदात्यांसाठी एक सकारात्मक पाऊल आहे. यामुळे करदात्यांना करविषयक कर्तव्य सहजतेने पार पाडता येईल..मुदतवाढीचा फायदाही मुदतवाढ करदात्यांना अनेक प्रकारे फायदेशीर आहे. त्यांना आपले उत्पन्न आणि खर्चाचा योग्य ताळमेळ बसवण्यासाठी, आवश्यक कागदपत्रे गोळा करण्यासाठी आणि कोणत्याही त्रुटीशिवाय विवरणपत्र भरण्यासाठी पुरेसा वेळ मिळेल; तसेच, कर सल्लागारांनाही अधिक चांगल्या प्रकारे नियोजन करून ग्राहकांना सेवा देता येईल..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

करदात्यांसाठी खुशखबर

Related Stories