डॉ. दिलीप सातभाई - चार्टर्ड अकाउंटंट- सीए
केंद्रीय प्रत्यक्ष कर मंडळाने (सीबीडीटी) प्राप्तिकर विवरणपत्र फॉर्म एक आणि चार अधिसूचना क्रमांक ४०/२०२५ द्वारे २९ एप्रिल २०२५ रोजी अधिसूचित केले आहेत. प्रत्येक करदात्याला एक एप्रिल २०२४ ते ३१ मार्च २०२५ दरम्यान मिळालेले उत्पन्न आता अधिसूचित केलेले हे फॉर्म वापरूनच कळवावे लागणार आहे. करदात्याला त्याच्या उत्पन्नाचा स्रोत आणि स्वरूपानुसार, फॉर्म ठरवावा लागतो. प्रत्येक फॉर्मशी संबंधित पात्रता अटी आहेत, ज्या करदात्याने विवरणपत्र भरण्यास पात्र होण्यासाठी पूर्ण करणे गरजेचे आहे. कोणताही चुकीचा फॉर्म दाखल करुन अनुपालन झाले, असे म्हणता येणार नाही. त्यासाठी प्राप्तिकर विवरणपत्र-१ ‘सहज’मधील आणि विवरणपत्र-४ ‘सुगम’मधील बदल समजून घेणे आवश्‍यक आहे.