सायबर सुरक्षा : डिजिटल पेमेंटची वाढती सुरक्षितता

सुधाकर कुलकर्णी, सर्टिफाइड फायनान्शिअल प्लॅनर-सीएफपी

डिजिटल पेमेंटमुळे बँक ग्राहकांची फसवणूक होण्याचे प्रमाण सातत्याने वाढत असल्याने, त्याचे गांभीर्य विचारात घेऊन भारतीय रिझर्व्ह बँकेने (आरबीआय) डिजिटल पेमेंटमध्ये काही महत्त्वाचे बदल केले आहेत. यामुळे डिजिटल पेमेंट आणखी सुरक्षित होईल. नव्या नियमांची अंमलबजावणी एक एप्रिलपासून सुरू झाली आहे. ग्राहकांची फसवणूक झाल्यास बँकेची आणि ग्राहकाची जबाबदारी काय असेल, हेही विशद केले आहे.