Income Tax Return: प्राप्तिकर विवरणपत्रातील ‘रेक्टिफिकेशन रिक्वेस्ट’

-ॲड. सुकृत देव, कर सल्लागार

प्राप्तिकर विभागाने गेल्या पाच-सहा वर्षांमध्ये खूप चांगली प्रगती केली आहे, नव्या तंत्रज्ञानाचा उपयोग ते आता वेळोवेळी करत आहेत, यामध्ये एआय टेक्नॉलॉजी, डेटा लिंक, नज (NUDGE) कॅम्पेन, फ्लॅगशिप कॅम्पेन, ई-कॅम्पेन, एआयएस/टीआयएस, २६एएस आदी. या सर्व गोष्टींमुळे प्राप्तिकर खात्याची पारदर्शकता नक्कीच वाढली आहे, कोणतेही व्यवहार आता लपून राहात नाहीत, हे लक्षात असावे. या सर्व बाबींचा परिणाम असा झाला आहे, की दरवर्षी प्राप्तिकरदात्यांची व प्राप्तिकर विवरणपत्र (आयटीआर) दाखल करणाऱ्यांची संख्या वाढताना दिसत आहे. याचबरोबर प्रत्यक्ष व अप्रत्यक्ष करसंकलनाचा आकडा पण वाढताना दिसत आहे.