मनीष शाह
भारतातील सूक्ष्म, लघु आणि मध्यम उद्योग अर्थात ‘एमएसएमईं’च्या अडचणी दूर करण्यासाठी पारंपरिक कर्जपुरवठ्याच्या पलीकडे पाहणे आवश्यक आहे. एनबीएफसी संस्था या केवळ वित्तपुरवठादार न राहता ‘एमएसएमईं’च्या प्रवासातील मार्गदर्शक म्हणून काम करू शकतात. ‘एमएसएमईं’ना केवळ कर्ज पुरवणे पुरेसे नाही; त्यांना व्यवस्थापन कौशल्य, योग्य आर्थिक नियोजन आणि शाश्वत वाढीच्या दृष्टिकोनाबद्दल मार्गदर्शन करणे तितकेच महत्त्वाचे आहे. ‘एमएसएमईं’साठी अनुकूल, लवचिक आणि परवडणारी वित्तीय योजना विकसित करण्याचा विचार होण्याची गरज आहे.