सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : गेल्या काही दिवसांमध्ये सोन्याच्या भावात मोठी वाढ झाल्याने सोने खरेदी करण्याचे अनेकांचे बजेट कोलमडले आहे. मात्र, अपरिहार्य कारणांमुळे सोने घ्यावेच लागणार असेल तर अनेकांची पसंती जुने सोने देऊन नवीन दागिने खरेदी करण्याकडे आहे. त्यामुळे जुने सोने देऊन नवीन दागिने घेण्याचे प्रमाण वाढले आहे.
लग्नसराईनिमित्ताने सोन्याची खरेदी वाढली आहे. भाव वाढल्याने ठराविक रकमेचे सोने खरेदी केले जात आहे. किती सोने घ्‍यायचे, यापेक्षा किती रुपयांचे सोने घ्‍यायचे हे ग्राहक ठरवून येत आहेत. जुने सोने देऊन नवीन दागिने घेणाऱ्यांची संख्या वर्षभरापर्यंत २५ टक्के होती. आता ४० ते ४५ टक्के ग्राहक जुने सोने घेऊन आलेले असतात. सोन्याला आपल्याकडे असलेले महत्त्व व ते सहजासहजी न मोडण्याची मानसिकता यामुळे हा आकडा वाढला आहे, अशी माहिती सराफ व्यावसायिकांनी दिली.
फॅन्सी दागिने करणारे सर्वाधिक
आजी किंवा आई; तसेच सासूचे दागिने जुन्या पद्धतीचे आहेत. त्या दागिन्यांची फॅशन गेल्याने ते वापरात नाहीत. त्यामुळे नवनवीन फॅन्सी आणि नाजूक दागिने बनविण्यास महिलांची पसंती मिळत आहे. जुने सोने देऊन नवीन दागिने खरेदी करणाऱ्यांना सराफ व्यवसायिकांकडून चांगल्या सवलती दिल्या जात आहेत. त्याचा फायदा घेत अनेक जण जुन्याचे नव्या सोन्यात रूपांतर करून घेत आहेत.
काय आहेत कारणे...
गेल्या काही दिवसांत सोन्याचा वाढलेला भाव
जुने झालेले दागिने वापरात आणण्यासाठी त्यांच्यात बदल करणे
सातत्याने फॅन्सी दागिने वापरण्याची आवड
नव्या घडणावळीवर सराफ व्यावसायिकांकडून सवलत
गेल्या काही दिवसांमध्ये सोन्याचा वाढलेला भाव आणि वापरात नसलेले सोने पुन्हा वापरात आणण्यासाठी जुने सोने देऊन नवीन दागिने घेतले जात आहेत. पूर्वी २५ टक्के ग्राहक जुने सोने घेऊन येत असत. आता तो आकडा ४५ टक्क्यांपर्यंत पोहचला आहे. मोडलेल्या सोन्यातून फॅन्सी दागिने बनवून घेतले जात आहेत.
- डॉ. सौरभ गाडगीळ, अध्यक्ष व व्यवस्थापकीय संचालक, पीएनजी ज्वेलर्स
माझ्या आईने मला तीन वर्षांपूर्वी तिचे काही दागिने दिले होते. ते दागिने मोडून मी आता माझ्या मुलीला तिच्या लग्नासाठी नवीन दागिने बनवत आहे. सध्या सोन्याचा भाव वाढलेला आहे. त्यामुळे आम्ही एका ठराविक रकमेचे नवे आणि जुने दागिने देऊन मुलाला आवश्यक असलेले दागिने बनविले आहेत.
- आशा सपकाळे, दागिने खरेदीसाठी आलेल्या गृहिणी
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.