सबस्क्राईब करा
साई स्वामी मेटल्स अँड अलॉयज लिमिटेडचा आयपीओ 30 एप्रिलपासून खुला होणार आहे. आयपीओमधून कंपनी सुमारे 15 कोटी उभारणार आहे. आयपीओ मंगळवारी अर्थात 30 एप्रिलला खुला होईल आणि मे रोजी बंद होईल. त्यानंतर कंपनीचे शेअर्स बीएसईच्या एसएमई प्लॅटफॉर्मवर लिस्ट केले जातील.
डॉल्फिन ब्रँड अंतर्गत स्टेनलेस स्टील कूकवेअर आणि उपकरणे बनवणाऱ्या या अहमदाबादस्थित कंपनीने प्रति इक्विटी शेअरचा प्राइस बँड 60 रुपये निश्चित केली आहे. आयपीओमध्ये प्रत्येकी 10 रुपयांच्या 25 लाख इक्विटी शेअर्सचा नवीन इश्यू समाविष्ट आहे. कंपनीने आयपीओसाठी किरकोळ वैयक्तिक गुंतवणूकदारांचा कोटा निव्वळ ऑफरच्या 50 टक्के आणि उर्वरित 50 टक्के इतर गुंतवणूकदारांसाठी निश्चित केला आहे.
पब्लिक इश्यूमधून मिळालेले पैसे कंपनीच्या विस्तार योजनांना वित्तपुरवठा करण्यासाठी वापरले जातील ज्यात यंत्रसामग्री खरेदी, उपकंपनीमध्ये गुंतवणूक, खेळत्या भांडवलाची आवश्यकता पूर्ण करणे आणि सामान्य कॉर्पोरेट उद्दिष्टे यांचा समावेश आहे.
6 कोटी खेळत्या भांडवलासाठी, 4 कोटी उपकंपनीमध्ये गुंतवणुकीसाठी, 2 कोटी मशिनरी खरेदीसाठी आणि 2 कोटी रुपये सामान्य कॉर्पोरेट हेतूसाठी वापरण्याची कंपनीची योजना आहे. आयपीओनंतर कंपनीचे शेअर्स बीएसई एसएमई प्लॅटफॉर्मवर लिस्ट केले जातील.
या आयपीओसाठी स्वस्तिका इन्व्हेस्टमार्ट लिमिटेड हे प्रमुख व्यवस्थापक आहेत, तर बिगशेअर सर्व्हिसेस या इश्यूचे रजिस्ट्रार आहेत. साई स्वामी मेटल्स अँड अलॉयज स्टेनलेस स्टील उत्पादनांच्या विस्तृत श्रेणीच्या व्यापार आणि विपणनामध्ये गुंतलेली आहे.
डिसेंबर 2023 मध्ये संपलेल्या नऊ महिन्यांसाठी, कंपनीने 1.79 कोटीचा निव्वळ नफा आणि 33.33 कोटीचा महसूल नोंदवला. 2022-23 या आर्थिक वर्षात कंपनीने 3.83 लाखांचा निव्वळ नफा आणि 6.27 कोटीचा महसूल नोंदवला.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.