Pralhad Keshav AtreSakal
संपादकीय
चौफेर कर्तृत्वाचा अत्रेप्रयोग...
साहित्य, शिक्षण, नाटक, चित्रपट, पत्रकारिता, राजकारण, वक्तृत्व, विडंबन आदी क्षेत्रांत आपल्या कर्तृत्वाचा अमीट ठसा उमटविणारे अष्टपैलू आणि झंझावाती व्यक्तिमत्त्व म्हणजे आचार्य प्र. के. अत्रे. एकेका क्षेत्रात त्यांनी आभाळाएवढी उंची गाठली होती. त्यांच्या जयंतीनिमित्त (१३ ऑगस्ट) त्यांच्या कर्तृत्वाचा वेध.....
सु. ल. खुटवड
आचार्य अत्रे यांचे कट्टर विरोधक व थोर कादंबरीकार ना. सी. फडके यांनी म्हटले आहे, की अफाट, अचाट- अघटित-अद्वितीय व असाधारण असे व्यक्तिमत्त्व म्हणजे अत्रे. काँग्रेसचे नेते काकासाहेब गाडगीळ असे म्हणतात, की ‘लोकमान्य टिळकांच्या निधनानंतर चतुरस्र, लढाऊ व्यक्तिमत्त्व म्हणजे अत्रे होय. नेतृत्व आणि कर्तृत्व लाभलेले आचार्य अत्रे हे लोकमान्य टिळकांचे एकमेव वारसदार ठरतात.’