‘ती’ चे क्षितिज : नातं जपण्याचं काम

अ‍ॅड. अभिधा निफाडे

सकाळी उठल्यापासून आज घरात जरा गडबडच सुरू होती. मी आईला विचारलं तर म्हणे, ‘‘आज गीता आत्याच्या तीन नंबरच्या नणंदेचं लग्न नाही का, तिकडेच चाललेय.’’ ‘‘अगं आई, पण आत्ता सकाळचे फक्त सात वाजलेत, एवढ्या लवकर जाऊन काय करणार आहेस?’’ मी त्रागा केला तर म्हणाली, ‘‘आत्याला मदत नको का करायला? काय वाटेल त्यांना, एवढ्या जवळ राहून मदतीला आली नाही.’’ असं म्हणून स्कुटीला किक मारून आई गेलीसुद्धा !