लता मंगेशकर यांच्या स्मृतिदिनानिमित्त हृदयनाथ मंगेशकर यांचा भावस्पर्शी लेख

जन्मेजयराजे विजयसिंह राजे भोसले

गानसम्राज्ञी लता मंगेशकर यांचा स्मृतिदिन नुकताच पार पडला. त्यांचे गाणे आणि व्यक्तिमत्व यांविषयीच्या भावनांना दिलेले शब्दरूप.

लता मंगेशकर यांच्या स्मृतिदिनी पं.हृदयनाथ मंगेशकर यांनी लिहिलेला लेख स्पर्शून गेला. माझ्याही लतादीदींविषयीच्या भावना त्यानिमित्ताने व्यक्त कराव्याशा वाटल्या. जगाच्या पाठीवर सदा सर्वकाळ कुठे ना कुठेतरी लतादीदींचा स्वर्गीय सर उमटत राहतो, निनादत राहतो... आणि त्यामुळेच लतादीदी अमर आहेत. त्यांचा दैवी स्वर हा त्यांच्या अस्तित्वाची सदैव साक्ष देत राहील. देव, देश आणि धर्मासाठी त्या जगल्या आणि सातत्याने तीस वर्षे याची अनुभूती एक स्वामीभक्त म्हणून मी घेऊ शकलो.