अध्यात्मातून घेऊ काही : सांगा कसं जगायचं...

शिवराज गोर्ले

आयुष्य पुरेपूर लाभावं, असं तर अगदी प्रत्येकाला वाटत असतं, पण हेही तितकंच खरं - तुम्ही ‘किती जगता’ यापेक्षाही ‘कसं जगता’ हे महत्त्वाचं असतं. याचसंदर्भात विख्यात धन्वंतरी डॉ. ह. वि. सरदेसाई यांनी मांडलेली एक अभिनव संकल्पना म्हणजे ‘मानवी जीवनाची त्रिमिती.’ ते म्हणतात, ‘मानवी जीवन हे थ्री डायमेन्शनल असतं. जीवनाला लांबी असते, रुंदी असते, खोली असते. या तीनही बाजू एकमेकांना पूरक असतात. यापैकी कोणतीही बाजू दुर्लक्षित राहिली तर जीवनाचे संतुलन बिघडते.’