आजचे राशिभविष्य आणि पंचांग - 5 मार्च २०२१

टीम ई-सकाळ
Friday, 5 March 2021

जाणून घ्या तुमच्यासाठी कसा असेल आजचा दिवस

दिनविशेष- 5 मार्च
1512 - प्रसिद्ध भूगोलतज्ज्ञ, गणिती व नकाशाकार गेरहार्ट मर्केटर यांचा जन्म. चेंडूच्या आकारासारख्या त्रिमितीतील पृथ्वीचा कागदावर नकाशा तयार करण्याचे अतिशय अवघड काम त्यांनी केले.
1851 - जिऑलॉजिकल सर्व्हे ऑफ इंडिया या संस्थेची स्थापना.
1908 - ब्रिटिश आणि अमेरिकन रंगभूमीवरील तसेच हॉलिवूडच्या चित्रपटातील प्रसिद्ध अभिनेते रेक्‍स हॅरिसन यांचा जन्म. क्‍लिओपात्रा या चित्रपटांत त्यांनी ज्युलियस सीझरची भूमिका केली होती.
1913 - किराणा घराण्याच्या ज्येष्ठ गायिका गंगूबाई हनगल यांचा जन्म. पद्मभूषण, तानसेन पुरस्कार, संगीत नाटक अकादमीचा पुरस्कार आदी सन्मानांनी त्यांना गौरविण्यात आले आहे.
1966 - समाजवादी व साम्यवादी विचारांचे व्यासंगी नेते शंकरराव मोरे यांचे निधन. त्यांनी लिहिलेला "प्राथमिक शिक्षण' हा ग्रंथ त्या विषयावरील आजही अपूर्व ग्रंथ मानला जातो.
1989 - गदर पार्टीचे संस्थापक, क्रांतिकारी स्वातंत्र्यसैनिक बाबा पृथ्वीसिंह आझाद यांचे निधन.
1995 - प्रसिद्ध अभिनेते जलाल आगा यांचे निधन.
1997 - ज्ञानेश्वर महाराजांच्या संजीवन समाधीच्या सप्तशताब्दीच्या सांगतेनिमित्त राष्ट्रपतींच्या हस्ते ज्ञानेश्वरांची प्रतिमा असलेले टपाल तिकिटाचे प्रकाशन झाले.
1998 - नेहमीच्या अस्त्रांबरोबरच कमी पल्ल्याची विमानभेदी क्षेपणास्त्रे सोडू शकणाऱ्या, रशियाकडून घेतलेल्या "सिंधुरक्षक' या पाणबुडीचे मुंबई येथे आगमन.
1999 - संपूर्णपणे भारतीय बनावटीच्या "पिनाका' या प्रक्षेपक यंत्रणेची ओरिसा येथील बालासोर येथे यशस्वी चाचणी घेण्यात आली. "पिनाका'चा टप्पा 39 किलोमीटर असून, त्यामधून 44 सेकंदात 12 रॉकेट उडविता येतात.
1999 - इंडियन फिजिक्‍स असोसिएशनतर्फे देण्यात येणाऱ्या आर. डी. बिर्ला स्मृती पारितोषिकासाठी ज्येष्ठ शास्त्रज्ञ डॉ. जयंत नारळीकर व प्रा. अशोक सेन यांची निवड.
2000 - कर्नाटकातील "कैगा' अणुवीजप्रकल्प (युनिट-2) पंतप्रधान अटलबिहारी वाजपेयी यांच्या हस्ते राष्ट्राला अर्पण.
2001 - भारत आणि कोलंबिया यांच्यात व्यापारवाढीचे व परस्परांना एक कोटी डॉलरपर्यंत कर्ज देण्याची तरतूद असणारे चार करार करण्यात आले.

 

दिनमान -

मेष : कोणाच्याही आश्‍वासनावर अवलंबून राहू नका. खर्चाचे प्रमाण वाढेल.

वृषभ : तुमच्यावर एखादी जबाबदारी येवून पडण्याची शक्‍यता आहे. वैवाहिक जीवनात सुसंवाद साधा.

मिथुन : विरोधकांवर मात कराल. काहींना मानसिक अस्वस्थता जाणवेल.

कर्क : मुलामुलींच्या प्रगतीकडे लक्ष देवू शकाल. नवीन परिचय होतील.

सिंह : दैनंदिन कामे मार्गी लावू शकाल. तुमचे अंदाज व निर्णय अचूक ठरतील.

कन्या : अपूर्व मनोबलाच्या जोरावर कार्यरत रहाल. जिद्द व चिकाटी वाढेल.

तुळ : आर्थिक लाभाचे प्रमाण समाधानकारक राहील. प्रॉपर्टीची कामे मार्गी लावू शकाल.

वृश्‍चिक : आरोग्य उत्तम राहील. मानसिक अस्वस्थता कमी होईल.

धनु : शत्रुपिडा नाही. कामाचा ताण व दगदग जाणवेल.

मकर : नवीन परिचय होतील. संततीसौख्य लाभेल.

कुंभ : प्रॉपर्टीची कामे मार्गी लागतील. सार्वजनिक क्षेत्रात सहभागी व्हाल.

मीन : नातेवाईकांचे सहकार्य लाभेल. हाती घेतलेल्या कामात सुयश लाभेल.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Daily Horoscope And Panchang Of 5th March 2021