दिलीप ठाकूर - glam.thakurdilip@gmail.com
‘धुंद’ सिनेमातील डॅनीने ठाकूर रणजित सिंग साकारला. त्यासाठी त्याला बरेच प्रयत्नही करावे लागले. पण भूमिका मिळाल्यानंतर ही भूमिका साकारण्याची त्याला अक्षरश: ‘धुंद’च चढली. याच धुंदीतून एका दृश्यासाठी तो बी. आर. चोप्रा यांना विशेष आग्रह धरू लागला; पण ते फारसं लक्ष देत नव्हते. अखेर एके दिवशी बी. आर. चोप्रा त्यांचा कॅमेरामन भाऊ धरम चोप्राला म्हणाले, ‘‘हा म्हणतोय तो प्रसंग घे.’’ डॅनीच्या मनासारखे झाले आणि ‘धुंद’च्या फर्स्ट शोपासूनच याच दृश्याची चर्चा रंगली. पिक्चरच्या यशात हा मोठाच फंडा ठरला.