ऋचा थत्ते - rucha19feb@gmail.com
बिलाच्या रांगेत उभं असताना अनेकांच्या बास्केट आणि ट्राॅलीमध्ये दर्जेदार उत्पादनांची तयार पीठं दिसत होती. यामुळे अनेकांची सोय होते खरी. दळण टाकायला गिरणीत जाणं हे एक वेगळं काम मग रहात नाही. अर्थात ज्यांना शक्य असतं किंवा आवश्यक वाटतं ते आजही गिरणीत जातात; पण घरोघरी भल्या पहाटे नित्यनेमाने होणारी ती जात्याची घरघर आणि त्या लयीत गायली जाणारी जात्यावरची ओवीही थांबली. असलीच तरी कमी प्रमाणात.